(កំពង់ធំ)៖ បន្ទាប់ខកខានអស់ជាច្រើនឆ្នាំ ព្រោះតែវិបត្តិជំងឺកូវីដ១៩នោះ នៅថ្ងៃព្រឹកចន្ទ ៤រោច ខែពិសាខ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៨ ខែឧសភា ឆ្នាំ២០២៣នេះ ព្រះរាជពិធីច្រត់ព្រះនង្គ័ល បានប្រារព្ធឡើងវិញហើយ។
ព្រះរាជពិធីច្រត់ព្រះនង្គ័លនៅឆ្នាំនេះ ត្រូវបានរៀបចំឡើងនៅពហុកីឡដ្ឋានខេត្តកំពង់ធំ ស្ថិតនៅភូមិរូង ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ក្រោមព្រះរាជាធិបតីភាពដ៏ខ្ពងខ្ពស់បំផុតរបស់ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា។
ព្រះរាជពិធីជាព្រះរាជបវេណីខ្មែរនេះ ក៏មានការអញ្ជើញចូលរួមពីសម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងរដ្ឋសភា-ព្រឹទ្ធសភា និងអធិការកិច្ចព្រមទាំងមន្ត្រីជាន់ខ្ពស់នៃស្ថាប័នព្រឹទ្ធសភា រដ្ឋសភា រាជរដ្ឋាភិបាលកម្ពុជា មន្ត្រីអង្គទូតនៃបណ្ដាប្រទេសជាមិត្តប្រចាំនៅកម្ពុជា និងមន្ត្រីរាជការ កងកម្លាំងប្រដាប់អាវុធ សិស្សានុសិស្ស ប្រជាពលរដ្ឋជាច្រើនម៉ឺននាក់។
ការប្រារព្ធព្រះរាជពិធីច្រត់ព្រះនង្គ័លជាការប្រកាសប្រាប់ប្រជាពលរដ្ឋដែលប្រកបរបរកសិកម្ម ធ្វើស្រែចម្ការថា ជាការចាប់ផ្តើមចូលដល់រដូវវស្សាហើយ។ ក្នុងព្រះរាជពិធីបុណ្យច្រត់ព្រះនង្គ័លនៅឆ្នាំនេះ លោក ងួន រតនៈ អភិបាលខេត្តកំពង់ធំ ត្រូវបានព្រះមហាក្សត្រកម្ពុជាសព្វព្រះរាជហឫទ័យរាជានុញ្ញាតឱ្យធ្វើជាស្តេចមាឃ កាន់នង្គ័លទី២ តំណាងព្រះអង្គ និងភរិយា ជាព្រះមេហួ។
ក្នុងព្រះរាជពិធីនាព្រឹកនេះ ក៏មានការរៀបចំតាំងបង្ហាញនូវផលិតផលកសិផលមកពីតាមបណ្តាក្រសួង និងរាជធានី-ខេត្តផងដែរ។
សូមបញ្ជាក់ថា ព្រះរាជពិធីបុណ្យច្រត់ព្រះនង្គ័ល ជាព្រះរាជបវេណីដ៏សំខាន់ចាត់ទុកជាវប្បមង្គលមួយដ៏ប្រសើរ របស់ប្រជាពលរដ្ឋកម្ពុជា ដែលមហាក្សត្រគ្រប់ព្រះអង្គតែងតែដឹកនាំធ្វើពុំដែលខាន តាំងពីបុរាណកាលរៀងមក។
ព្រះរាជពិធីនេះកាលពីដើមឡើយតែងតែប្រារព្ធធ្វើឡើងនៅវាលព្រះមេរុនៅជិតព្រះបរមរាជវាំង តែប៉ុន្មានឆ្នាំចុងក្រោយនេះព្រះរាជពិធីត្រូវព្រះករុណាជាអម្ចាស់ជីវិតលើត្បូង ព្រះរាជានុញ្ញាត ឱ្យធ្វើនៅតាមខេត្តវិញម្តង ដើម្បីឱ្យប្រជាពលរដ្ឋខ្មែរបានចូលរួមក្នុងព្រះរាជបវេណីដ៏សំខាន់មួយនេះ។
ក្នុងព្រះរាជពិធីនេះ ក៏មានការរៀបចំចំណី៧មុខរួមមាន ស្រូវ, ពោត, ល្ង, សណ្តែក, ទឹក, ស្រា និងស្មៅ ជាអាហារឱ្យ «គោឧសភរាជ» បរិភោគ ដើម្បីផ្សងពីផលដំណាំ ដែលមានផលល្អ មិនល្អ ឬមានរោគាផ្សេងៗទៅលើសត្វធាតុរបស់ប្រជាកសិករ៕
អ្នកជំនាញផ្នែកទីផ្សារដោះដូរកីឡាករដ៏ល្បីល្បាញលោក Fabrizio Romano បានបញ្ជាក់នៅលើបណ្តាញទំនាក់ទំនង YouTube របស់គាត់ថា Juventus មានផែនការបណ្តេញ លោកThiago Motta នៅចុងបញ្ចប់នៃរដូវកាលនេះ ខណៈប្រធានក្លឹប Juventus និងថ្នាក់ដឹកនាំក្លឹបកំពុងតែទប់ទល់នឹងបញ្ហាប្រឈមដែលកើតមានឡើងសម្រាប់បុរសសញ្ជាតិអ៊ីតាលីគិតត្រឹមពាក់កណ្ដាលរដូវកាលដោយJuventus រងបរាជ័យ៣ដង ខណៈ២លើកចុងក្រោយគឺពួកគេចាញ់ធ្ងន់ករ ក្រោយចាញ់ Atlanta ៤ទល់និង០ កាលពីដើមខែមីនា ពួកគេ បានបន្តចាញ់ Fiorentina ៣ទល់និង០ កាលពីថ្ងៃចន្ទម្សិលមិញទៀត។អត្ថបទកំពុងចាប់អារម្មណ៍៖ ក្លឹបយក្សអ៊ីតាលីពិចារណាបញ្ចប់តំណែងគ្រូបង្វឹកក្រោយចាញ់ធ្ងន់ករ២លើកចុងក្រោយ(មាន២វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស អតីតគ្រូបង្វឹក Bologna សញ្ជាតិអ៊ីតាលីដើមកំនើតប្រេស៊ីល Motta បច្ចុប្បន្នមានវ័យ ៤២ឆ្នាំ បច្ចុប្បន្នមានកិច្ចសន្យាជាមួយ Juventus រហូតដល់រដូវក្តៅឆ្នាំ ២០២៧ ប៉ុន្តែការដឹកនាំដំបូងរបស់គាត់ក្នុងការគ្រប់គ្រងក្លឹបដែលគាត់បានលេងនៅមិនទាន់បានល្អដូចការគ្រោងទុកនោះទេ។ Juventus បានធ្លាក់ចេញពីក្របខ័ណ្ឌ Champions League នៅវគ្គ Play-off និង Coppa Italia បាត់ទៅហើយនៅរដូវកាលនេះ ខណៈក្រុមស្រ្តីជរា Juventus […]
