(ភ្នំពេញ)៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានសហព័ន្ធខ្មែរកីឡាហែលទឹកកម្ពុជា នារសៀលថ្ងៃទី០៤ ខែឧសភា ឆ្នាំ២០២៣នេះ បានអញ្ជើញជួបសំណេះសំណាលជាមួយគ្រូបង្វឹក កីឡាករ កីឡាការិនី ចំនួន ៤៩រូប ដើម្បីផ្តល់កម្លាំងចិត្តជូនដល់កីឡាករ កីឡាការិនី និងគ្រូបង្វឹកនៃសហព័ន្ធខ្មែរកីឡាហែលទឹក ដែលនឹងចូលរួមក្នុងព្រឹត្តិការណ៍ប្រកួតកីឡាស៊ីហ្គេម លើកទី៣២ ឆ្នាំ២០២៣។
លើកឡើងនាឱកាសនោះលោកទេសរដ្ឋមន្ត្រី ស៊ុន ចាន់ថុល ក្នុងនាមប្រធានសហព័ន្ធខ្មែរកីឡាហែលទឹកកម្ពុជា បានថ្លែងកោតសរសើរ និងអំណរគុណដល់កីឡាករ កីឡាការិនី និងគ្រូបង្វឹកគ្រប់រូប ដែលបានចំណាយទាំងកម្លាំងកាយចិត្ត និងពេលវេលាក្នុងការហ្វឹកហាត់តាំងពីដើមរហូតមកដល់ការប្រកួតនាពេលនេះ និងបានប្រកាសលើកទឹកចិត្តបន្ថែមចំនួន ១ម៉ឺនដុល្លារដល់កីឡាករ កីឡាការិនីហែលទឹកកម្ពុជា ដែលដណ្តើមបានមេដាយមាសក្នុងព្រឹត្តិការណ៍ប្រកួតកីឡាស៊ីហ្គេមនេះ។
បន្ថែមពីនេះលោកទេសរដ្ឋមន្ត្រី ស៊ុន ចាន់ថុល ក៏បានបង្ហាញមោទនភាពចំពោះកីឡាករ កីឡាការិនី និងក្រុមគ្រួសារ ដែលជាកូនខ្មែរនៅបរទេស បានខិតខំបញ្ជូនកូន និងសាច់ញាតិឱ្យមកចូលរួមប្រកួតតំណាងឱ្យកម្ពុជា ក្នុងឱកាសព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះនេះ ដែលនេះហើយគឺជាការរួបរួមសាច់ឈាមខ្មែរ បេះដូងជាខ្មែរ ដែលតែងតែមកជួយដល់ជាតិខ្មែរ បើទោះជាមិនបានរស់នៅក្នុងប្រទេសក៏ដោយ។
ជាមួយគ្នាដែរលោកទេសរដ្ឋមន្ត្រី ស៊ុន ចាន់ថុល ក៏បានបញ្ជាក់ដែរថា ដោយសារតែប្រទេសជាតិមានសុខសន្តិភាពពេញលេញ មានការអភិវឌ្ឍលើគ្រប់វិស័យ ទើបធ្វើឱ្យកម្ពុជាមានលទ្ធភាពក្នុងការរៀបចំព្រឹត្តិការណ៍ប្រកួតកីឡាស៊ីហ្គេម លើកទី៣២ ឆ្នាំ២០២៣ និងបានអះអាងថា ដោយសារកម្ពុជាត្រូវការចំណាយលើការអភិវឌ្ឍន៍ផ្សេងៗនាពេលកន្លង និងមិនមានកន្លែងប្រកួតត្រឹមត្រូវ ទើបធ្វើឱ្យមានការខកខានក្នុងការរៀបចំព្រឹត្តិការនេះនាពេលកន្លងមក ដោយទុកឱ្យប្រទេសផ្សេងក្នុងការរៀបចំព្រឹត្តិការនេះជំនួសផងដែរ។
បន្ថែមពីនេះក្នុងពិធីសំណេះសំណាលនេះដែរ ដើម្បីជាការលើកទឹកចិត្តដល់ប្រតិភូកីឡាករ កីឡាការិនី ទាំងអស់ លោកទេសរដ្ឋមន្ត្រី ស៊ុន ចាន់ថុល ក្នុងនាមជាប្រធានសហព័ន្ធខ្មែរកីឡាហែលទឹក ក៏បានឧបត្ថម្ភដល់ កីឡាករ កីឡាការិនី និងគ្រូបង្វឹក វិញ្ញាសាកីឡាហែលទឹក ដែលនឹងចូលរួមប្រកួតក្នុងព្រឹត្តិការណ៍ស៊ីហ្គេមលើកទី៣២ ក្នុងម្នាក់ៗ ២០០ដុល្លារអាមេរិក បន្ថែមពីលើទឹកប្រាក់ឧបត្ថម្ភចំនួន ៥០០ដុល្លារអាមេរិក ពីសម្តេចតេជោនាយករដ្ឋមន្ត្រី ផងដែរ៕
ក្រោយផ្តួលម្ចាស់ផើងឯកEPL កាលពីពាក់កណ្តាលសប្តាហ៏កន្លងទៅក្រុមAston Villa និងបើកទ្វារកីឡដ្ឋាន Villa Park ទទួលភ្ញៀវគឺក្រុមនាំមុខតារាងក្របខណ្ឌ EPL នៅទឹកដី Villa Park គឺកាំភ្លើងធំ Arsenal នាទឹកដីភាគកណ្តាលចក្រភពអង់គ្លេសនៅវេលាថ្ងៃសៅរ៍ម៉ោង១២និង៣០នាទីយប់ឈានចូលថ្ងៃអាទិត្យស្អែកនេះ។ សម្រាប់ក្រុមArsenal ក៏ទទួលបានជ័យជំនះដូចគ្នាដោយកាលពាក់កណ្តាលសប្តាហ៏បានយកឈ្នះក្រុម Luton Town ដោយលទ្ធផល ៤ទល់និង៣។ សម្រាប់៦ប្រកួតចុងក្រោយរបស់ Aston Villa គឺឈ្នះ៤ស្មើ១និងចាញ់១ឈរនៅលេខរៀងទី៣ខណៈ Arsenal ឈ្នះ៥និងចាញ់១ឈរនៅលេខរៀងទី១។អត្ថបទកំពុងចាប់អារម្មណ៍៖ Prediction: ឳកាសហើយ ! Liverpool អាចផ្តួល ម្ចាស់ផ្ទះ Crystal Palace ដើម្បីឈរលេខ១បណ្តោះអាសន្នបានទេ? សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ១.ប្រវត្តិជួបគ្នា Arsenal បានចាញ់តែពីរប្រកួតប៉ុណ្ណោះក្នុងចំណោម ២១ ប្រកួតចុងក្រោយរបស់ពួកគេក្រៅផ្ទះទល់នឹង Aston Villa ក្នុង Premier League ដោយឈ្នះ ១២ ប្រកួតក្នុងអំឡុងពេលនោះ។ ២.ពត៌មានក្រុមAston […]
