គ្រូបង្វឹកបិសាចក្រហម Man. United លោក Erik ten Hag បានសារភាពថារូបលោកមិនដឹងច្បាស់លាស់នៅឡើយទេពីកញ្ចប់ថវិកាសម្រាប់ចូលប្រឡូកក្នុងការទិញដូរកីឡាករ នារដូវក្តៅខងមុខនេះ ស្របពេលឪកាសវិនិយោគទិញក្លឹបក៏កំពុងស្ថិតក្នុងភាពមិនប្រាកដប្រជាដូចគ្នានោះ។មហាសេដ្ឋីល្បីឈ្មោះមកពីប្រទេសកាតាពីររូបគឺ Sheikh Jassim និង Sir Jim Ratcliffe កាលពីសប្តាហ៍មុនបានដាក់សំណើរទិញភាគហ៊ុននិងការគ្រប់គ្រងផ្សេងៗគ្នានៅក្នុងក្លឹបពីគ្រួសារ Glazer និងកំពុងតែរង់ចាំការសម្រេចចិត្ត។
អតីតគ្រូបង្វឹក Ajax បន្តថាៈ ខ្ញុំមិនមានឥទ្ធិពលលើកញ្ចប់ថវិកាទេ។ រឿងតែមួយគត់ដែលខ្ញុំដឹងគឺថា Manchester United គឺជាក្លឹបដ៏ធំបំផុតមួយ ក្នុងចំណោមក្លឹបធំជាងគេទាំងពីរនៅលើពិភពលោក តាមទស្សនៈអ្នកគាំទ្រ។ដូច្នេះ ខ្ញុំគិតថា ក្លឹបនេះត្រូវប្រជែងយកជើងឯកខ្ពស់បំផុតដូចជា Champions League, Premier League។ប៉ុន្តែនៅក្នុងវិវ័យបាល់ទាត់អាជីពអ្នកត្រូវកាថវិកាដើម្បីបង្កើត និងពង្រឹងក្រុមដើម្បីទទួលបានផ្លែផ្កា និង ជោគជ័យ។
Man.United បច្ចុប្បន្នកំពុងឈរនៅលេខរៀងទី ៤ សម្រាប់ក្របខណ្ឌ EPL ក្នុងរដូវកាលដំបូងរបស់គ្រូបង្វឹកហូឡង់ និងត្រឿមធ្វើការប្រកួតវគ្គផ្តាច់ព្រ័ត្រ FA Cupជាមួយ Man.City បន្ទាប់ពីឈ្នះពាន Carabao Cup ប៉ុន្តែបានធ្លាក់ចេញពីពាន រង្វាន់Europa League រួចទៅហើយនោះ។
ប្រភព:BBC
