ការរៀបចំកម្លាំងសរុប មធ្យោបាយសរុប បានកសាងផែនការប្រកបដោយភាពហ្មត់ចត់ និងលម្អិតគួរជាទីកក់ក្តៅ ក្នុងការត្រៀមខ្លួនរួចរាល់ សម្រាប់ទទួលការរៀបចំធ្វើម្ចាស់ផ្ទះ ការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ជាប្រវត្តិសាស្ត្រដំបូងរបស់ព្រះរាជាណាចក្រកម្ពុជា។
នេះជាការលើកបង្ហាញនូវវឌ្ឍនភាពការងារគ្រប់ទម្រង់ ត្រៀមទាំងអស់របស់ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍ គណៈកម្មាធិការជាតិ CAMSOC-CAMAPGOC កាលពីល្ងាចថ្ងៃទី០៣ ខែមេសា ឆ្នាំ២០២៣ ក្នុងពិធីទទួលទានអាហារសាមគ្គីក្នុងមហាគ្រួសារកីឡាជាតិ ក្រោមវត្តមានដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា។
វឌ្ឍនភាពការងារ ត្រៀមគ្រប់ជ្រុងជ្រោយ ដែលលើកបង្ហាញដោយឯកឧត្តមបណ្ឌិត ថោង ខុន មានចំណុចសំខាន់ៗរួមមាន ការងារសន្តិសុខ-សណ្តាប់ធ្នាប់ ការសង្គ្រោះព្យាបាល ការរៀបចំកម្លាំងសរុបមធ្យោបាយសរុប បានកសាងផែនការប្រកបដោយភាពហ្មត់ចត់ និងលម្អិតគួរជាទីកក់ក្តៅ ក្នុងនោះមានកងកម្លាំងសមត្ថកិច្ច សរុបជាង៥០០០នាក់ និងមន្ត្រីសុខាភិបាល ប្រមាណ ៣០០០នាក់។ ពិធីបើក-បិទ បាននឹងកំពុងធ្វើការហ្វឹកហាត់សម្តែងយ៉ាងសកម្ម ដែលមានសិល្បករ-សិល្បការិនី មកពីក្រសួងវប្បធម៌ និងវិចិត្រសិល្បៈ ប្រមាណ១០០០នាក់ កីឡាករ កីឡាការិនី និងកងទ័ព ចំនួនប្រមាណ ២០០០នាក់ សរុបប្រមាណ ៣០០០នាក់ ដើម្បីសម្តែងទស្សនីយភាពដ៏អស្ចារ្យ។
ចំពោះអ្នកស្ម័គ្រចិត្ត គឺជាប្រព័ន្ធសរសៃឈាម (DNA) របស់ព្រឹត្តិការណ៍ ដែលជាកម្លាំងការងារដ៏សំខាន់ក្នុងដំណើរការអនុវត្តការងារ ដែលត្រូវបានជ្រើសរើស និងបំពាក់បំប៉នរួចរាល់ដោយសហភាពសហព័ន្ធយុវជនកម្ពុជា (ស.ស.យ.ក) ប្រមាណ ៥០០០នាក់ សម្រាប់ SEA Games និង ២០០០នាក់ សម្រាប់ ASEAN Para Games។
ចំណែកការរៀបចំទីលានប្រកួត រួមទាំងការបំពាក់ឧបករណ៍សម្ភារបរិក្ខា និងរចនាសម្ព័ន្ធគ្រប់គ្រង ស្របតាមបទដ្ឋានបច្ចេកទេសកីឡា បាននិងកំពុងរៀបចំ និងជំរុញយ៉ាងសកម្មផងដែរ។ ចំពោះការតុបតែងលម្អតាមគោលដៅ និងតាមទីតាំងប្រកួត រដ្ឋបាលរាជធានី-ខេត្ត និងគណៈកម្មាធិការជាតិ CAMSOC-CAMAPGOC កំពុងសហការគ្នាជំរុញបន្តយ៉ាងសកម្ម៕
ចំណាត់ថ្នាក់លេខមួយក្នុងតារាង Premier League នឹងត្រូវបើកចំហរនៅយប់ថ្ងៃសៅរ៍នេះ ខណៈហង្សក្រហម Liverpool និងត្រូវធ្វើដំណើរមកកាន់ទឹកដីភាគខាងត្បូងដើម្បី លេងប្រឈមនិងក្រុមដែលមានមូលដ្ឋាននៅទីក្រុងឡុងដ៏គឺ Crystal Palace នៅកីឡដ្ឋាន Selhurst Park វេលាម៉ោង ៧និង៣០នាទីយប់នេះ។ ទោះបីជាក្រុមបាននាំយកអតីតគ្រូបង្វឹក Chris Wilder មកដឹកនាំ ប៉ុន្តែSheffield United ត្រូវបាន Liverpool ផ្តួលដោយលទ្ធផល ២ទល់និង០ កាលពីពាក់កណ្តាលសប្តាហ៍ខណៈCrystal Palace បានចាញ់ភ្ញៀវ Bournemouth ២ទល់និង០ក្នុងទឹកដីខ្លួនឯង។ សម្រាប់ Liverpool ៦ប្រកួតចុងក្រោយគឺឈ្នះ៤ស្មើ២ ឈរនៅលេខរៀងទី២និងមានគម្លាត២ពិន្ទុប៉ុណ្ណោះពី Arsenal ដែលត្រូវលេងនៅម៉ោង១២និង៣០នាទីជាមួយម្ចាស់ផ្ទះAston Villa។ ដូច្នេះប្រសិនជា Liverpool អាចផ្តួលSheffield Utd ក្រុមបាតតារាងទី២០ បាននោះពួកគេនិងឈរនៅលេខ១បណ្តោះអាសន្នរយៈពេល៤ម៉ោង។អត្ថបទកំពុងចាប់អារម្មណ៍៖ Prediction: Bournemouth អាចទូទាត់គុំនុំចាស់ជាមួយ Man.Utd ដែលធ្លាប់ផ្តួលពួកគេ ៤ ដងចុងក្រោយក្នុងផ្ទះបានទេ? សូម Subscribe Telegram របស់ Cambosport […]
