លោក Jurgen Klopp បានបញ្ជាក់ថា Darwin Nunez បានរងរបួសស្មាអំឡុងពេលក្រុមរបស់លោកបានផ្តួលម្ចាស់ផ្ទះក្រុមសារិកាព្រៃ Newcastle ក្នុងលទ្ធផល២ទល់និង០ខណៈ ខ្សែប្រយុទ្ធអន្តជាតិអ៊ុយរូហ្គាយ រកបាន គ្រាប់បាល់នាំមុខមុនពេលខ្សែប្រយុទ្ធអន្តរជាតិហូឡង់ Codi Gakpo រកបានគ្រាប់បាល់ទីពីរ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ជ័យជំនះនេះបានជួយអោយក្រុមភ្ញៀវLiverpool មានគម្លាតត្រឹមតែ ៦ ពិន្ទុពីក្រុមកំពូលតារាងទាំង ៤ ក្នុងតារាង Premier League ខណៈការទទួលបានកាតក្រហមក្នុងតង់ទីមួយរបស់អ្នកចាំទីNick Pope បន្ទាប់ពីមានបំណងអោយតែតបាល់តែបែរជាបាល់ប៉ះដៃនៅក្រៅប្រអប់ទៅវិញ ។ហេតុការណ៏នេះធ្វើអោយ Newcastle កាន់តែជួបភាពលំបាកមួយកម្រិតថែមទៀត។
គ្រូបង្វឹកអាឡឺម៉ង់បានប្រាប់Sky Sports News ថាៈ យើងនៅតែសង្ឃឹមថា Nunez និងជៀសផុតពីបញ្ហាធ្ងន់ធ្ងរប៉ុន្តែត្រូវឆ្លងកាត់ការវាយតម្លៃបន្ថែមទៀត មុនពេលការប្រកួត Champions League វគ្គ ១៦ ក្រុមចុងក្រោយជើងទីមួយទល់នឹង Real Madrid នៅថ្ងៃអង្គារ។
