ប្រធានក្រុមតោខៀវ Chelsae កីឡាករ Cesar Azpilicueta បានដឹងខ្លួន និង អាចនិយាយបានវិញក្រោយចូលសម្រាកក្នុងមន្ទីរពេទ្យបន្ទាប់ពីជួបហេតុការណ៏រងរបួសក្បាល អំឡុងពេលប្រកួតចាញ់ក្រុមភ្ញៀវSouthampton កាលពីថ្ងៃសៅរ៍។
ខ្សែការពារកណ្តាលសញ្ជាតិអេស្បាញរូបនេះបានដួលសន្លប់បាត់មាត់បាត់កនៅលើទីលានបន្ទាប់ពីរងការប៉ះទង្គិចដ៏ខ្លាំងជាមួយ Sekou Mara ដែលបានទាត់ចំផ្ទៃមុខនិងក្បាល ខណៈនោះបុគ្គលិកពេទ្យបានប្រញាប់ប្រញាល់ព្យាបាលកីឡាករវ័យ ៣៣ ឆ្នាំរូបនេះដោយដាក់អុកស៊ីសែនជំនួយផ្លូវដង្ហើមអស់រយៈពេលជាច្រើននាទី មុនពេលបញ្ជូនរូបគេទៅកាន់មន្ទីរពេទ្យ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទោះយ៉ាងណាការស៊ុតបាល់ពិន័យ Free-kick របស់ James Ward-Prowse នៅតង់ទីមួយបានផ្តល់ភាពបរាជ័យលើកទី ៥ សម្រាប់ក្រុមនៅឆ្នាំ ២០២៣ខណៈក្រុមលោកGraham Potter មានគម្លាត១០ពិន្ទុ ពីក្រុមកំពូលតារាងទាំង៤ និង នៅសល់១៥ប្រកួតទៀត និងបញ្ចប់រដូវកាលនោះ។