បរទេស៖ វិនិយោគិនមកពីប្រទេសកាតាបានផ្តល់សំណើទិញ Manchester United ចេញពីគ្រួសារ Glazer ។ កាលពីខែវិច្ឆិកាឆ្នាំមុន ម្ចាស់ក្លឹបបិសាចក្រហមបច្ចុប្បន្នបានប្រកាសថាពួកគេកំពុងដាក់លក់ក្លឹបបន្ទាប់ពីដឹកនាំអស់រយៈពេលជាង 17 ឆ្នាំ។ ដោយសារ United គឺជាក្លឹបដ៏ធំបំផុតមួយនៅក្នុងពិភពបាល់ទាត់ ចំណាប់អារម្មណ៍ជុំវិញការលក់គឺតែងតែមានការកើនឡើង។ យោងតាមអ្នកសារព័ត៍មានរបស់ Sky Sports លោក Kaveh Solhekol បានរាយការណ៍ថា ការដេញថ្លៃមួយត្រូវបានធ្វើឡើងជាផ្លូវការ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

គាត់បានបង្ហោះសារថា “Sheikh Jassim Bin Hamad Al Thani ដែលជាប្រធានធនាគារមួយក្នុងចំណោមធនាគារកាតា QIB បានដេញថ្លៃសម្រាប់ Manchester United ។ ចង់ស្តារ United ទៅកាន់អតីតភាពរុងរឿង ដោយសង្កត់ធ្ងន់លើយុវជន និងហេដ្ឋារចនាសម្ព័ន្ធ។ គ្មានបំណុលទេ។ ប្រាក់ចំណេញទាំងអស់ដែលត្រូវវិនិយោគឡើងវិញនៅក្នុងសហគមន៍តាមរយៈ 92 Foundation”