(ប៉ារីស)៖ លោក Zinedine Zidane ចង់ក្លាយជាគ្រូបង្វឹកក្រុមបាល់ទាត់ជម្រើសជាតិមាន់គកបារាំង ដោយមិនចាប់អារម្មណ៍ ក្នុងការដឹកនាំក្រុមជម្រើសជាតិប្រេស៊ីលឡើយ។ នេះយោងតាមលោក Robert Pires មិត្តភក្តិជិតស្និទ្ធរបស់លោកថ្លែងប្រាប់ Livescore។
ការណ៍នេះវាបានស្តែងចេញ ក្រោយពេលលោក Zidane បានជួបលោក Didier Deschamps ជាលក្ខណៈឯកជន បន្ទាប់ពីបារាំងបានចាញ់ផ្តាច់ព្រ័ត្រ World Cup ក្រោមថ្វីជើងរបស់អាហ្សង់ទីនកាលខែធ្នូឆ្នាំទៅ។
ក៏ប៉ុន្តែពេលវេលាមិនទាន់អំណោយផលលោក Deschamps ក៏បានបន្តកិច្ចសន្យាដឹកនាំមាន់គកទៀត រហូតដល់បំណាច់ World Cup 2026 ក្រោយពេលលោកកាន់តំណែងនេះតាំងពីឆ្នាំ២០១២ មក ដ្បិតលោក Zidane ក៏ត្រូវបានគេស្នើសុំឲ្យដឹកនាំបារាំង និងប្រេស៊ីលផងដែរ ក្រោយទំនេរពីការងារតាំងពីឆ្នាំ២០២១ នៅពេលលោក Tite ក៏ទើបលាឈប់ពីតួនាទីគ្រូបង្វឹកប្រេស៊ីលដូចគ្នា។
ទាក់ទងនឹងបញ្ហានេះ លោក Pires ធ្លាប់បាននិយាយទៅកាន់ Zidane ថា «អ្វីដែលគាត់ចង់ គឺជម្រើសជាតិបារាំង។ ជាការពិត ខ្ញុំយល់ចិត្តគាត់ តែពេលនេះមិនអាចទេ ព្រោះលោក Deschamps បានបន្តកិច្ចសន្យា ៤ឆ្នាំទៀតហើយ។ ពេលនេះ គាត់ (Zidane) ត្រូវតែធ្វើការផ្លាស់ប្តូរគោលដៅតិចតួច ដូចជាការវិលទៅដឹកនាំក្លិប ដោយមានក្លិបច្រើនណាស់ដែលកំពុងត្រូវការ Zizou»។
នៅចាំបានថា លោក Pires គឺជាមិត្តចាស់របស់ Zidane ដែលបានឈ្នះពាន World Cup 1998 និងពានអឺរ៉ុប Euro 2000 ក្នុងក្រុមជម្រើសជាតិបារាំងជាមួយគ្នាទៀតផង៕
(បរទេស)៖ អតីតគ្រូបង្វឹកក្រុមបិសាចក្រហមលោក Jose Mourinho ធ្លាប់បង្ហើបថា លោក Sir Alex Ferguson បានប្រាប់គាត់ឱ្យចុះហត្ថលេខាលើកីឡាករ Dele Alli កាលពីគាត់នៅដឹកនាំ Manchester United។ លោក Mourinho បាននិយាយថា៖ «រយៈពេល ២ ឆ្នាំកន្លះ លោក Sir Alex Ferguson បានផ្តល់ដំបូន្មានដល់ខ្ញុំត្រឹមតែ១ប៉ុណ្ណោះគឺទិញ Dele Alli។ “ក្មេងប្រុសម្នាក់នោះ មានមហិច្ឆតាខ្ពស់ របៀបដែលគេលេង ការគិតរបស់គេ បានបង្ហាញថា គេជាកីឡាកររបស់ក្លឹប Manchester United ឆាប់ទិញ Dele Alli ទៅ”។ ប៉ុន្តែលោក [Ferguson] ក៏បានបញ្ជាក់ផងដែរថា Alli មិនមែនជាអ្នកតស៊ូក្នុងការហ្វឹកហាត់ឡើយ ដូច្នេះយើងត្រូវតែស្វែករកកម្លាំងចិត្តសម្រាប់រូបគេ»៕អត្ថបទកំពុងចាប់អារម្មណ៍៖ គ្រូតា Sir Alex ធ្លាប់ជំរុញឲ្យលោក Jose ចុះកុងត្រាយកខ្សែបម្រើរូបនេះ កាលគាត់នៅ Man Utd […]
