លោកErik ten Hag នៅមិនទាន់រីករាយពេញចិត្តពេញថ្លើមនៅឡើយទេសម្រាប់ទម្រង់លេងរបស់ Jadon Sancho បើទោះបីជាខ្សែបម្រើ- ប្រយុទ្ធស្លាបរូបនេះវិលត្រលប់មកបង្ហាញខ្លួនដោយជួយក្រុមស្រោចស្រង់ក្រុមទទួលបាន១ពិន្ទុវិញ កំលុងពេលវាយបកតាមស្មើជាមួយក្រុមភ្ញៀវLeeds Utd នៅក្របខណ្ឌ Premier League កាលពីរាត្រីថ្ងៃពុធក្នុងលទ្ធផល២ទល់និង២។Sancho ដែលចូលលេងក្នុងនាមកីឡាករបម្រុងមានឪកាសរកគ្រាប់បាល់ដំបូងសម្រាប់ក្លឹបគិតចាប់តាំងពីខែកញ្ញា២០២២ មកម្លេះ។

អ្នកចាត់ការទូទៅក្រុមបិសាចក្រហម Man.Utd មានអារម្មណ៏សប្បាយចិត្តបន្តិចជាមួយនិងលទ្ធផលនោះ ប៉ុន្តែបានព្រមាននិងដាស់តឿនកីឡាករអន្តរជាតិអង់គ្លេសរូបនេះថាត្រូវតែបន្តខិតខំស្តារកាយសម្បទា និង ត្រូវខិខំប្រឹងប្រែងហ្វឹកហាត់អោយបានខ្លាំងក្លាបន្ថែមទៀតដើម្បីទទួលបានឱកាសចូលលេងទៀងទាត់នូវជម្រើសដំបូងនៅក្នុងក្រុម។