វាជារឿងដែល គ្មានមន្ទិលសង្ស័យឡើយសម្រាប់ João Cancelo ដែលបានដើរតួនាទីជាសមាជិកដ៏សំខាន់សម្រាប់ក្រុមលោក Pep Guardiolaរយៈពេលជិត៤ឆ្នាំកន្លងមកនេះ។ មានន័យថាជំនាញនិងភាពប៉ិនប្រសព្វរបស់ខ្សែការពារដែលអាចលេងតំណែងការពារនៅស្លាបខាងឆ្វេង និង ខាងស្តាំរូបនេះដែល មានសមត្ថភាពជួយក្រុមបានច្រើន។ ប៉ុន្តែអ្វីមិនទៀងទាត់ឡើយខណៈកីឡាករអន្តរជាតិព័រទុយហ្គាល់រូបនេះបានចូលរួមជាមួយក្រុម Bayern Munich ក្នុងលក្ខណ្ឌខ្ចីជើងជាមួយតម្លៃទិញផ្តាច់ជាអចិន្រ្តៃយ៏ ៧០លានយូរ៉ូក្រោយមានការលើកឡើងថាកីឡាករវ័យ២៩ឆ្នាំរូបនេះ មានជម្លោះដ៏ក្តៅគគុកជាមួយ លោក Pep Guardiola បន្ទាប់ពីអង្គុយកៅអីបម្រុងពេលផ្តួលArsenalក្នុងព្រឹត្តការណ៏ FA Cup។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័សខាងក្រោមនេះជាកីឡាករ៣រូបមកដែលអាចជំនួសតំណែងCancelo បាន
១.William Saliba
កីឡាករអន្តរជាតិបារាំង ត្រូវបានArsenalទិញមកពីក្លឹបSaint-Etienneត្រឹមតែ៤,៥ លានផោនប៉ុណ្ណោះប៉ុន្តែគុណភាពលេងចាប់ដៃគូជាមួយ Gabrielនៅរដូវកាលនេះគឺគួរអោយកត់សំគាល់ដោយបានជួយអោយក្រុមលោកMikel Arteta កំពុងឈរនៅទីកំពូលតារាងក្របខណ្ឌ Premier League។
២.Fabian Schar
កីឡាករវ័យ៣១ឆ្នាំរូបនេះមានបទពិសោធន៏លេងនៅលីកកំពូលអាឡឺម៉ង់ និង អេស្បាញគឺបានដើរតួនាទីដ៏សំខាន់ផងដែរសម្រាប់ជម្រុញក្រុមសារិកាព្រៃNewcastleបច្ចុប្បន្នអោយឈរនៅលេខរៀងទី៤នៅរដូវកាលនេះ ។ស្តែអោយឃើញពីទម្រង់លេងដ៏ល្អប្រាំមួយប្រកួតចុងក្រោយរបស់គាត់គឺស័ក្តសមនិងអាចស្នងតំណែង João Cancelo បានហើយ។
៣.Sven Botman
កីឡាករអន្តរជាតិហូឡង់រូបនេះគឺជាសមាជិកខ្សែការពារក្រុម Newcastle ម្នាក់ទៀតដែលបានសាង កំណត់ត្រាល្អបំផុតនៅ Premier League រដូវកាលនេះ ដោយបានរបូតគ្រាប់បាល់ត្រឹមតែ ១២ គ្រាប់ប៉ុណ្ណោះ។ដូច្នេះអាចនិយាយបានថាកីឡាករ Botmanមានសមត្ថភាពអាចជំនួសតំណែង João Cancelo បានដូចគ្នា។
