Liverpool កំពុងសិក្សា និងពិចារណាអំពីលទ្ធភាពក្នុងការចុះកុងត្រាយកខ្សែបម្រើឆ្នើមរបស់ក្លឹប Chelsea គឺ N’golo Kante ដោយសារតែបច្ចុប្បន្នស្ថានភាពកុងត្រារបស់គេនៅ Stamford Bridge ហាក់បីមិនសូវអំណោយផល។

ក្រុមរបស់លោក Jurgen Klopp ហាក់បីបង្ហាញទម្រង់លេងមិនសូវជាបានល្អឡើយនារដូវកាលនេះ ដោយកំពុងស្ថិតនៅចំណាត់ថ្នាក់លេខ៧នៃ Premier League នៅមានដល់ទៅ៩ពិន្ទុឯណោះពីចំណាត់ថ្នាក់ TOP 4 ដែលវាជាឱកាសតិចបំផុតក្នុងការលេងនៅពានរង្វាន់ UCL នារដូវកាលក្រោយ ខណៈពួកគេក៏ទើបបរាជ័យក្រោមថ្វីជើង Real Madrid ដោយលទ្ធផល ៥-២ ក្នុងពានរង្វាន់អឺរ៉ុបមួយនេះដូចគ្នា។

ទោះបីជាយ៉ាងណាមិញ យោងតាមរបាយការណ៍លេចចេញពីប្រទេសបារាំងបានឲ្យដឹងថា លោក Klopp គឺកំពុងសិក្សាអំពីស្ថានភាពរបស់ Kante នៅ Chelsea ហើយម្នាក់ទៀតនោះគឺ Mount ដែលជាមិត្តរួមក្រុមគ្នានៅ Chelsea ផងដែរ។