បរទេស៖ លោក Xavi គ្រូបង្វឹក Barcelona បានពត៌នាបន្ទាប់ពីចាញ់ក្រុម Almeria ១ទល់និង០ សម្រាប់ការប្រកួតនៅក្របខណ្ឌ La Liga កាលពីថ្ងៃអាទិត្យថា «ទម្រង់លេងរបស់យើងមិនអាចទទួលយកបានទេ យើងបរាជ័យ ហើយ ជារឿងផ្ទួនៗក្រោយធ្លាក់ចេញពីព្រឹត្តការណ៏ Europa League ប៉ុន្តែប្រសិនបើយើងចង់ឈ្នះលីគ យើងត្រូវតែផ្លាស់ប្តូរផ្នត់គំនិតរបស់យើងនិងរឿងជាច្រើនទៀត ។ ខ្ញុំគឺជាមនុស្សដំបូងដែលត្រូវបានស្តីបន្ទោស និង រិះគន់ខ្លួនឯង ដែលធ្វើមិនបានល្អហើយសម្រាប់រឿងនេះ យើងត្រូវសុំទោសអ្នកគាំទ្រ។»
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ការពិត Barcelona មានឱកាសនាំមុខ ១០ ពិន្ទុលើក្រុមគូប្រជែងនិង ជាក្រុមការពារតំណែងជើងឯក Real Madrid នៅរាត្រីថ្ងៃអាទិត្យ ប៉ុន្តែក្រុមយក្សកាតាឡាន់បាន បាត់បង់ឪកាសដោយធ្លាក់មកនៅត្រឹម៧ពិន្ទុវិញ។ យ៉ាងណាម៉ិញវាជាការ ចាញ់លើកទី២ជាប់ៗគ្នា នៅមុនការប្រកួត El Clasico ដ៏សំខាន់នៅថ្ងៃព្រហស្បតិ៍សប្តាហ៍ក្រោយជាមួយក្រុមអធិរាជស Real Madrid។
