ក្រុមហ៊ុនចិន China Metro Group បានបញ្ជាក់ទៅកាន់សម្តេចតេជោ ហ៊ុន សែន ថា ខ្លួនបានបញ្ចប់ការសិក្សាលទ្ធភាពគម្រោងសាងសង់ផ្លូវរថភ្លើងក្រោមដីនៅរាជធានីភ្នំពេញហើយ និងបានដាក់បញ្ជូននូវរបាយការណ៍សិក្សាជូនក្រសួងសាធារណការ និងដឹកជញ្ជូន ដើម្បីពិនិត្យ និងពិភាក្សាបន្ត។ ការលើកឡើងនេះ ធ្វើឡើងក្នុងជំនួបពិភាក្សារវាងសម្តេចតេជោ និងក្រុមហ៊ុនវិនិយោគធំៗចំនួន៣ នៃប្រទេសចិន រួមមានក្រុមហ៊ុនសាងសង់គមនាគមន៍ចិន, ក្រុមហ៊ុនសាជីវកម្មស្ពានថ្នល់ចិន និងក្រុមហ៊ុន China Metro Group នៅក្រុងប៉េកាំង កាលពីថ្ងៃទី៩ ខែកុម្ភៈ ឆ្នាំ២០២៣។
ជាមួយគ្នានេះ សម្តេចនាយករដ្ឋមន្រ្តី បានស្នើឲ្យក្រុមហ៊ុន China Metro Group សិក្សាពីគម្រោងវិនិយោគល្បឿនលឿនធុនស្រាលពីរាជធានីភ្នំពេញទៅកាន់អាកាសយានដ្ឋានអន្តរជាតិភ្នំពេញថ្មី និងផ្លូវរថភ្លើងល្បឿនលឿនធុនស្រាលក្នុងរាជធានីភ្នំពេញ ដែលកំពុងមានចរាចរណ៍យ៉ាងមមាញឹក។
ក្រុមហ៊ុនចិនទាំង៣ បានបង្ហាញពីគម្រោងសិក្សាលើលទ្ធភាពវិនិយោគថ្មីៗ ក្នុងប្រទេសកម្ពុជាសម្រាប់ពេលខាងមុខ ពិសេសក្រោយលទ្ធផលនៃដំណើរទស្សនកិច្ចផ្លូវការរបស់សម្តេចតេជោ ទៅកាន់ប្រទេសចិននាពេលនេះ។
ក្រៅពីនេះ ក្រុមហ៊ុនចិនក៏បានជម្រាបជូនសម្តេចតេជោ ពីគម្រោងដឹកជញ្ជូនផ្លូវទឹក និងកំពង់ផែ ដែលក្នុងនោះក្រុមហ៊ុនបានបញ្ចប់ការសិក្សាបឋមគម្រោងស្តារផ្លូវទឹកទន្លេសាប ភ្នំពេញ សៀមរាប ដែលនិងប្រគល់ជូនក្រសួងសាធារណការ និងដឹកជញ្ជូនរួចរាល់ផងដែរ៕
ប្រភព៖ ហ្វេសប៊ុកសម្តេច ហ៊ុន សែន
ព្រះរាជាណាចក្រកម្ពុជា៖ សំណាងអីយ៉ាងនេះ! កីឡាករគុនខ្មែរបងប្រុស ប៉ុន សុផល នៅខេត្តសៀមរាប ហ្វឹកហាត់អស់កម្លាំងក៏ទៅទិញភេសជ្ជះប៉ូវកម្លាំងគ្រុឌមួយកំប៉ុង ស្រាប់តែគាស់ក្រវិលកំប៉ុងត្រូវរង្វាន់ឡានខ្លាញ់គោពីគ្រុឌ ស្រែកផ្អើលពេញភូមិ។អត្ថបទកំពុងចាប់អារម្មណ៍៖ មិនទាន់គ្រប់គ្រាន់! Inter Miami កំពុងចរចារនាំយកមិត្តរួមជាតិ Messi ម្នាក់ទៀតមករួមក្រុម(មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
