(ប៉ារីស)៖ ខ្សែប្រយុទ្ធឆ្នើមវ័យក្មេង Kylian Mbappe របស់ក្លិប Paris Saint Germain បានជាប់ឈ្មោះជាកីឡាករល្អជាងគេប្រចាំលីគកំពូលបារាំង Ligue 1 ជាលើកទី៤ បន្ទាប់ពីបានរួមចំណែងជួយក្លិបឈ្នះពានលីគកំពូលជាលើកទី១១, នេះបើតាមប្រភពពី CNA នាថ្ងៃទី២៩ ខែឧសភា ឆ្នាំ២០២៣។
ខ្សែប្រយុទ្ធបារាំង Mbappe ជាកីឡាករតែមួយរូបគត់ដែលបានឈ្នះពានរង្វាន់នេះចំនួន ៤ដងចាប់ពីរដូវកាល២០១៨-១៩ ដល់រដូវកាល២០២២-២៣ និងបានបំបែកកំណត់ត្រារបស់កីឡាករ Zlatan Ibrahimovic ដែលឈ្នះបាន ៣លើក។
បុរសវ័យ ២៤ឆ្នាំ បានលើកឡើងថា «ខ្ញុំសូមអរគុណដល់កីឡាករ បុគ្គលិក និងមនុស្សគ្រប់គ្នា, ខ្ញុំពិតជាសប្បាយចិត្ត និងនៅទីនេះបន្តទៀត» ខណៈការនិយាយនេះ មិនបានផ្តល់ការបញ្ជាក់ឲ្យច្បាស់ថា បន្តនៅរហូតដល់ឆ្នាំ២០២៥នោះទេ ដ្បិតកិច្ចសន្យាត្រូវបញ្ចប់នៅត្រឹមឆ្នាំ២០២៤ ដោយមានលក្ខខណ្ឌជម្រើសមួយបន្ថែម។
រំលឹកផងថា សម្រាប់លីគបារាំង Ligue 1 ជើងឯកបានទៅលើក្លិប Paris Saint Germain ដ្បិតនៅសល់ ១ប្រកួតទៀត ប៉ះជាមួយក្រុម Clermont Foot នៅសប្តាហទី៣៨ បញ្ចប់រដូវកាល៕
ក្លឹបInter Miami កំពុងដុតដៃដុតជើងក្នុងការកៀងគរចុះហត្ថលេខានាំយកមិត្តរួមក្រុមរបស់កំពូលខ្សែប្រយុទ្ធស្លាប Leo Messi កីឡាករ Angel di Maria មករួមក្រុមខណៈពេលបច្ចុប្បន្នពួកគេបាននាំយកកីឡាករ Luis Suarez, Sergi Busquets និង Jordi Alba អោយមកគ្រងឯកសណ្ឋានឈុតផ្កាឈូកលេងរួមគ្នាសម្រាប់ក្រុមដែលមានមូលដ្ឋាននៅក្នុងរដ្ឋ Florida រួចមកហើយ ស្របពេលប្រធានក្លឹបគឺវីរបុរសក្រុមបិសាចក្រហមលោក David Beckham បាននិងកំពុងធ្វើការចរចាដើម្បីនាំយកអតីតកីឡាករ PSG , Man.Utd និង Real Madrid ដែលកំពុងលេងអោយក្លឹប Benfica រូបនេះទៅលេងនៅទ្វីបអាមេរិកខាងជើងនោះ។អត្ថបទកំពុងចាប់អារម្មណ៍៖ MAN UTD ប្រឈមមុខនឹងការប្រជែងពីក្លឹបធំ២នៅអឺរ៉ុប ដើម្បីចុះហត្ថលេខាលើខ្សែការពារឆ្នើមរូបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរបញ្ជាក់ថាកិច្ចសន្យារបស់សមាជិកជ័យលាភី World Cup ២០២២ សញ្ជាតិអាហ្សង់ទីននឹងត្រូវផុតកំណត់នៅចុងបញ្ចប់រដូវកាលនេះ ហើយជាលទ្ធផលត្រួសត្រាយផ្លូវសម្រាប់ការផ្លាស់ប្តូរទៅកាន់ Inter Miami ដោយគ្មានតម្លៃខ្លួនខណៈគ្រូបង្វឹកអាហ្សង់ទីនលោក Tata Martino បានគូសវាសទម្រង់លេងត្រៀមដាក់អោយពួកគេលេងរួមក្រុមរួចអស់ទៅហើយនោះ។ […]