(ប៊ែរឡាំង)៖ ប្រធានក្រុម Borussia Dortmund កីឡាករ Marco Reus បានចុះហត្ថលេខាលើកិច្ចសន្យារយៈពេល ១ឆ្នាំ បន្តការលេងរហូតដល់ឆ្នាំ២០២៤។ នេះបើតាមការប្រកាសពីក្លិបលេងនៅលីគកំពូលអាល្លឺម៉ង់ Bundesliga ហើយត្រូវបានចុះផ្សាយដោយសារព័ត៌មាន CNA នៅថ្ងៃទី២៨ ខែមេសា ឆ្នាំ២០២៣។
ស្ថិតក្នុងវ័យ ៣៣ឆ្នាំ ជាកីឡាករយុវជនមួយរូបរបស់ Doutmund ដែលបានចូលរួមជាមួយក្រុមឈុតធំ ក្នុងឆ្នាំ២០១២ ក្រោយផ្ទេរមកពីក្លិប Borussia Moenchengladbach នោះ Reus បានក្លាយជាប្រធានក្រុមដ៏អស្ចារ្យ បើទោះបីជាអាជីពរងការរំខានដោយបញ្ហារបួសក្តី។
Dortmund បច្ចុប្បន្ន កំពុងឈរនៅកំពូលតារាង Bundesliga ដោយមាន ៥ប្រកួតទៀតដែលនៅសេសសល់ដូវកាលនេះ។
Reus រកបាន ១៦១គ្រាប់ គ្រប់ការប្រកួតទាំងអស់ ក្នុងអាជីពលេងឲ្យ Dortmund។
សូមជម្រាបថា ការប្រកួតបន្ទាប់របស់ Dortmund គឺនឹងត្រូវប៉ះក្រុម VfL Bochum ក្នុងលីគ Bundesliga នាថ្ងៃសុក្រនេះ៕
ការប្រកួតពានរង្វាន់ក្របខណ្ឌ Premier League និងត្រូវកឃើញយ៉ាងច្បាស់នៅថ្ងៃអាទិត្យទី១៩ ឧសភាដែលជាថ្ងៃចុងក្រោយនៃសប្តាហ៏ទី៣៨ ថារវាងក្រុមនាំមុខតារាង Man. City និង គូប្រជែងដ៏កៀកកិតនោះគឺកាំភ្លើងធំ ។មានន័យថាការប្រកួតប្រជែងពាននេះគឺជាលើកទី៣ហើយដែលមិនទាន់រកឃើញក្រុមឈ្នះជើងឯកគិតចាប់តាំងពីឆ្នាំ២០១២មក ខណៈម្ចាស់ជើងឯក ឆ្នាំ២០២០ គឺក្រុមលេខ៣ Liverpool បានធ្លាក់ចេញពីការប្រកួតប្រជែងទៅហើយនោះ។សម្រាប់ Man. City ប្រសិនអាចយកឈ្នះភ្ញៀវ West Ham និងនាំអោយ Man .City អាចបំបែកកំណត់ត្រាឈ្នះពានរយៈពេលបួនឆ្នាំជាប់គ្នាតែម្តង។ ប៉ុន្តែប្រសិនពួកគេខកខាន ហើយ Arsenal យកឈ្នះ Everton នោះក្រុមកាំភ្លើងធំនឹងលើកពានជាលើកដំបូងក្នុងរយៈពេលពីរទសវត្សរ៍។អត្ថបទកំពុងចាប់អារម្មណ៍៖ ពាន Premier League និងរៀបចំបែបណាសម្រាប់ក្រុមដែលត្រៀមឈ្នះនៅកន្លែង២ផ្សេងគ្នាបែបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មើលឃើញដូច្នេះហើយទើបគណកម្មការនិងសហព័ន្ធបាល់ទាត់អង់គ្លេសបានរៀបចំពាន២សម្រាប់ការប្រកួតនៅទឹកដី Etihad Stadium និង Emirates Stadium សម្រាប់ករណីពិសេសនេះ ព្រោះដើម្បីជៀសវាងការចំណាយពេលដើម្បីប្រើប្រាស់ឧទ្ធម្ភាគចក្រនៅថ្ងៃចុងក្រោយដើម្បីដឹកជញ្ជូនចេញពីកីឡដ្ឋាន ណាមួយនោះក្នុងករណីពួកគេខកខានហើយក្រុមម្ខាងទៀតឈ្នះពាន ខណៈការប្រកួតគឺត្រូវចាប់ផ្តើមប្រកួតនៅវេលាម៉ោង ១០យប់ ហើយចំនួន ១០គូ តែម្តង។ […]