(អង់គ្លេស)៖ ខ្សែបម្រើឆ្នើម Mykhailo Mudryk របស់ក្រុមតោខៀវ Chelsea កំពុងប្រឈមទៅនឹងបម្រាមពិន័យ ៤ឆ្នាំ របស់ FIFA បន្ទាប់ពីសហព័ន្ធអង់គ្លេស FA រកឃើញថាមានការប្រើប្រាស់សារធាតុហាមឃាត់នាពេលកន្លងមក។ ខ្សែបម្រើអ៊ុយក្រែន មានវ័យ២៤ឆ្នាំរូបនេះ ត្រូវបាន FA ដកបញ្ឈរជើងរួចមកហើយកាលពីខែធ្នូ ឆ្នាំ២០២៤ ក្រោយពេលពិនិត្យទឹកនោមឃើញមានសារធាតុលើកកម្លាំង ដែលអាចប្រឈមទៅនឹងបម្រាមចាប់ពី ៤ឆ្នាំឡើងទៅទៀតផងពី FIFA។ នៅក្នុងការធ្វើតេស្តស្វែងរកសំណាកគំរូនេះដែរ Mudryk ពិតជាមានការភ្ញាក់ផ្អើលយ៉ាងខ្លាំង និងបានបដិសេធថា ពុំដែលធ្វើខុសទៅនឹងបម្រាមណាមួយឡើយ។
ទោះជាយ៉ាងណា រូបគេពុំបានលេងប្រកួតណាមួយឡើយជាមួយ Chelsea គិតចាប់តាំងពីថ្ងៃទី២៨ ខែវិច្ឆិកា ឆ្នាំ២០២៤ មក មុនពេលត្រូវបានដកចេញពីក្រុមជាផ្លូវការចាប់ពីថ្ងៃទី០១ ខែធ្នូ។ រូបគេមិនអាចចូលរួមសូម្បីតែហ្វឹកហាត់ បើទោះបីជា Mudryk ទទួលបានការគាំទ្រពីក្លឹបក៏ដូចជាក្រុមគ្រូពេទ្យក៏ដោយ៕
ប្រភព៖ BBC
បរទេសៈ Real Madrid បានត្រឹមស្មើជាមួយនឹង Al-Hilal ក្នុងការប្រកួតដំបូងនៅក្នុងព្រឹត្តិការណ៍ FIFA Club World 2025 ។ ខ្សែប្រយុទ្ធយុវជន Gonzalo Garcia បានជួយឲ្យក្រុម Madrid នាំមុខមុនត្រឹមនាទី៣៤ ប៉ុន្តែត្រូវបានតាមស្មើវិញដោយកីឡាករ Ruben Neves ភ្លាមៗ ត្រឹមតែ៧នាទីប៉ុណ្ណោះដោយការប៉េណាល់់ទី។អត្ថបទកំពុងចាប់អារម្មណ៍៖ តស់មកស្គាល់ពីរូបរាងបាល់ Premier League ថ្មី «សម្រាប់រដូវកាល ២០២៥/២៦» សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ក្លឹបបាល់ទាត់ Real Madrid បានទទួលបានឱកាសពិសេសមួយនៅចុងម៉ោងដោយការទទួលបានបាល់ប៉េណាល់ទីម្តងទៀត ប៉ុន្តែត្រូវបានខកខានវិញដោយការទាត់ពីសំណាក់កីឡាករ Fede Valverde ដោយសង្គ្រោះបានដោយអ្នកចាំទី Yassine Bono ។ នេះជាការប្រកួតលើកដំបូងរបស់លោក Xabi Alonso ក្នុងនាមជាគ្រូបង្វឹករបស់ក្លឹប Madrid ប៉ុន្ទែក្រុមហាក់បីមិនទាន់មានទម្រង់លេងច្បាស់លាស់នៅឡើយ ខណៈក្រុម Al-Hilal បានបង្ហាញទម្រង់លេងយ៉ាងល្អឥតខ្ចោះជាមួយនឹងក្លឹបយក្សមួយនៅតំបន់អឺរ៉ុបដែលបង្ហាញទៅកាន់ពិភពលោកថា ការចំណាយប្រាក់អភិវឌ្ឃន៍បាល់ទាត់នៅទ្វីបអារ៉ាប់ពិតជាទទួលសមិតផលពិតមែន៕
