(អង់គ្លេស)៖ ក្របខណ្ឌបាល់ទាត់លីគកំពូល Premier League របស់ប្រទេសអង់គ្លេស បានដាក់បង្ហាញនូវរូបរាងបាល់ថ្មី សម្រាប់លេងក្នុងរដូវកាលឆ្នាំ ២០២៥/២០២៦ ដែលនឹងចាប់ផ្តើមនៅខែសីហាខាងមុខនេះ។ បាល់ថ្មីនេះ ត្រូវបានផលិតឡើងដោយក្រុមហ៊ុន PUMA នឹងដាក់ឱ្យលេងដំបូងផងដែរនៅសហរដ្ឋអាមេរិក នៅពេលក្រុមសមាជិកនៅ Premier League ប្រកួតមិត្តភាពកំដៅសាច់ដុំនៅទីនោះ មុនពេលលេងប្រកួតបើកឆាកសប្តាហ៍ទី១ ចាប់ពីរាត្រីថ្ងៃសៅរ៍ ទី១៦ ខែសីហា ឆ្នាំ២០២៥។
គួរជម្រាបផងដែរថា ក្រុមហង្សក្រហម Liverpool ក្នុងនាមជាក្រុមការពារតំណែងជើងឯក Premier League ត្រូវប្រកួតបើកឆាកមុនគេ ដោយត្រូវបើកទ្វារកីឡដ្ឋាន Anfield របស់ខ្លួន ដើម្បីទទួលស្វាគមន៍ក្រុម AFC Bournemouth មុនពេល Manchester United ប៉ះ Arsenal នៅ Old Trafford ដែលជាជំនួបធំប្រចាំសប្តាហ៍ទី១ ជើងទី១៕
ប្រភព៖ BBC
(អង់គ្លេស)៖ ខ្សែបម្រើឆ្នើម Mykhailo Mudryk របស់ក្រុមតោខៀវ Chelsea កំពុងប្រឈមទៅនឹងបម្រាមពិន័យ ៤ឆ្នាំ របស់ FIFA បន្ទាប់ពីសហព័ន្ធអង់គ្លេស FA រកឃើញថាមានការប្រើប្រាស់សារធាតុហាមឃាត់នាពេលកន្លងមក។ ខ្សែបម្រើអ៊ុយក្រែន មានវ័យ២៤ឆ្នាំរូបនេះ ត្រូវបាន FA ដកបញ្ឈរជើងរួចមកហើយកាលពីខែធ្នូ ឆ្នាំ២០២៤ ក្រោយពេលពិនិត្យទឹកនោមឃើញមានសារធាតុលើកកម្លាំង ដែលអាចប្រឈមទៅនឹងបម្រាមចាប់ពី ៤ឆ្នាំឡើងទៅទៀតផងពី FIFA។ នៅក្នុងការធ្វើតេស្តស្វែងរកសំណាកគំរូនេះដែរ Mudryk ពិតជាមានការភ្ញាក់ផ្អើលយ៉ាងខ្លាំង និងបានបដិសេធថា ពុំដែលធ្វើខុសទៅនឹងបម្រាមណាមួយឡើយ។អត្ថបទកំពុងចាប់អារម្មណ៍៖ Al-Hial ធ្វើឲ្យ Real ភ្លឺភ្នែក ជាមួយនឹងលទ្ធផលស្មើគ្នាក្នុងការប្រកួត Club World Cup (មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ទោះជាយ៉ាងណា រូបគេពុំបានលេងប្រកួតណាមួយឡើយជាមួយ Chelsea គិតចាប់តាំងពីថ្ងៃទី២៨ ខែវិច្ឆិកា ឆ្នាំ២០២៤ មក មុនពេលត្រូវបានដកចេញពីក្រុមជាផ្លូវការចាប់ពីថ្ងៃទី០១ ខែធ្នូ។ រូបគេមិនអាចចូលរួមសូម្បីតែហ្វឹកហាត់ បើទោះបីជា Mudryk […]
