(អង់គ្លេស)៖ វីរបុរស Manchester United លោក Dwight Yorke និង Paul Scholes យល់ឃើញដូចគ្នាថា ក្លឹបត្រូវតែចុះហត្ថលេខាលើខ្សែប្រយុទ្ធស្លាប Eberechi Eze ខណៈរូបគេមានតម្លៃខ្លួនប្រមាណ ៦៨លានផោន។ ជាមួយគ្នានេះ Eze មានវ័យ ២៦ឆ្នាំ កំពុងមានភាពលេចធ្លោខ្លាំង គិតចាប់តាំងពីចូលរួមជាមួយ Crystal Palace ក្នុងឆ្នាំ២០២២។ មុនបញ្ចប់រដូវកាល២០២៤/២៥ រូបគេស៊ុតបាន ១៤គ្រាប់ នឹងបង្កើតឱកាស ១១លើក ដល់មិត្តរួមក្រុម ក្រោមការដឹកនាំរបស់លោក Oliver Glasner ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទន្ទឹមនឹងនេះ Eze ក៏ជាអ្នកស៊ុតបំបាក់ Man United វគ្គផ្តាច់ព្រ័ត្រ FA Cup ជួយក្រុម Crystal លើកពានក្របខ័ណ្ឌអង់គ្លេសលើកដំបូង រូបគេពេលនេះ ក៏ជាបុគ្គលមានការចាប់អារម្មណ៍ពីក្លឹបរួមលីគ ជាពិសេស Tottenham Hotspur ផងដែរ ។

គួរបញ្ជាក់ផងដែរថា តម្លៃខ្លួន Eze បច្ចុប្បន្នត្រូវបានគេរាយការណ៍ថា ស្ថិតក្នុងតម្លៃផ្ទេរចេញប្រមាណ ៦៨លានផោន ក្នុងកិច្ចសន្យាផ្ទេរជាមួយ Palace ដែលអាចនឹងត្រូវបានធ្វើឡើងនៅរដូវក្ដៅនេះ។ កាលពីខែមុន អតីតមិត្តរួមក្រុមរបស់បិសាចក្រហម Scholes គឺ Dwight Yorke ក៏បានជម្រុញឱ្យ Man United ធ្វើការផ្លាស់ប្តូរយកកីឡាកររូបនេះផងដែរ ដែលវាជាជម្រើសដ៏ល្អសម្រាប់ក្លឹប៕