ក្នុងនាមកីឡាករបម្រុងខ្សែប្រយុទ្ធ Romelu Lukaku រកបានគ្រាប់បាល់វាយបកក្រោយស៊ុតបញ្ជូលទីបន្ថែមក្រោយតែតប៉ះបង្គោលទី នៅនាទីទី៨៦ ខណៈម្ចាស់ផ្ទះ Inter Milan បានផ្តួលក្រុម Porto ដែលនៅសល់តែគ្នាតែ១០ នាក់។ ទោះយ៉ាងណាPorto មានគ្នាលេងតែ១០នាក់បន្ទាប់ ពីកីឡាករ Otavio ដទទួលកាតលឿងលើកទីពីរក្រោយបង្កកំហុសលើ Calhanoglu ក្នុងការប្រកួតជើងទីមួយនៃការប្រកួត Champions League វគ្គ ១៦ ក្រុមចុងក្រោយកាលពីថ្ងៃពុធ នៅកីឡដ្ឋាន San Siro។

ក្លឹបយក្សព័រទុយហ្គាល់ Porto មានឱកាសពីរដងកំលុងពេលលទ្ធផលមិនទាន់មានក្រុមណានាំមុខ ប៉ុន្តែអ្នកចាំទី Andre Onana របស់ Inter Milan បានជួយសង្រ្គោះបាល់ពីសំណាក់កីឡាករ Zaidu Sanusi និង Mehdi Taremi ។ ការប្រកួតជើងទីពីរនឹងធ្វើឡើងនៅកីឡដ្ឋាន Estadio do Dragao របស់ Porto នៅថ្ងៃអង្គារ ទី ១៤ ខែមីនា២០២៣នេះ។ទោះយ៉ាងណា Otavio នឹងខកខានការប្រកួតជើងទីពីរ ប៉ុន្តែ Porto មានបំណងចង់ទទួលបានលទ្ធផលល្អសម្រាប់ការប្រកួតក្នុងផ្ទះនៅរយៈពេល ៣ សប្តាហ៍បន្ទាប់ទៀតនោះ។