មានកីឡាករអាហ្សង់ទីនច្រើននាក់នោះទេ ដែលមានសំណាងធ្លាប់លេងនៅក្រុមនិងជម្រើសជាតិជាមួយកំពូលខ្សែប្រយុទ្ធសា្លបរបស់ពិភពបាល់ទាត់ទាំងពីររូបនោះគឺ Lionel Messi និង Cristiano Ronaldo ។ ទោះយ៉ាងណាក្នុងចំណោមពួកគេទាំងនោះគឺ Paulo Dybala ធ្លាប់លេងរួមក្រុមជាមួយ Cristiano Ronaldo បានទម្លាយរឿងហេតុមួយកំលុងពេលធ្វើដំណើរតាមយន្តហោះទៅធ្វើការប្រកួតនៅក្រៅទឹកដី រូបគេបានប្រាប់ថាៈ ខ្ញុំកំពុងអង្គុយកៅអីពីក្រោយ Ronaldo អង្គុយ កំលុងពេលធ្វើដំណើរ គាត់ដើរមកអង្គុយជិតខ្ញុំ ពួកយើងបាននិយាយរឿងរ៉ាវផ្សេងៗអំពីជីវិត ពេលនោះខ្ញុំធ្លោយមាត់និយាយចេញមកថាកាលនៅក្មេង ខ្ញុំពិតជាស្អប់អ្នកណាស់ ព្រោះពេលនោះកីឡាករទាំងពីរមានភាពល្បីល្បាញនិងប្រកួតប្រជែងគ្នាខ្លាំង រវាង Messi និង Ronaldo ពិសេសអ្នកគាំទ្រនៅប្រទេសអាហ្សង់ទីនតែម្តង។ ក្រោយពោលពាក្យនេះចេញខ្ញុំនិងគាត់(Ronaldo) បានញញឹមនិងផ្ទុះសំណើច ព្រមគ្នាដោយគ្មានប្រតិកម្មអ្វីឡើយ ព្រោះការពិតពេលនោះយើងពិតជាយល់ចិត្តគ្នាណាស់ពិសេសកំលុងពេលលេងនៅលើទីលានប្រកួតតែម្តង។

ធ្លាប់បង្ហាញខ្លួនអោយក្លឹបអាជីពបាន ៤៥០ប្រកួតកន្លងមក អតីតកីឡាករ Palermo បច្ចុប្បន្នមានវ័យ ៣១ឆ្នាំDybalaបច្ចុប្បន្នកំពុងលេងអោយក្លឹប Roma បានបន្ថែមថាCristiano Ronaldo ព្រមទំាង វីរបុរសក្រុមជម្រើសជាតិអាហ្សង់ទីន និង ជារៀមច្បងគឺ Lionel Messi គឺជាកំពូលខ្សែប្រយុទ្ធស្លាបដែលរូបគេចូលចិត្តលេងចាប់ដៃគូជាមួយបំផុត ។ ។ Dybala ដែលធ្លាប់ចំណាយពេល៣រដូវកាលនៅក្របខណ្ឌ Serie A ជាមួយ Juventus និងបានឈ្នះពាន SerieAចំនួនពីរ និង Coppa Italia ជាមួយ Cristiano Ronaldo បានបញ្ជាក់បន្ថែមថាៈ Ronaldo គាត់ជាអធិរាជបាល់ទាត់ទៅហើយនៅពេលបច្ចុប្បន្ន។ ខ្ញុំធ្លាប់បានរៀនពីការលះបង់ក្នុងអាជីពរបស់ខ្ញុំពី CR7 ជាមួយបំណងប្រាថ្នាចង់ឈ្នះរាល់ការប្រកួត ទោះបីខ្ញុំសម្រេចបានគ្រប់យ៉ាងក៏ដោយ។ ខ្ញុំមិនភ្ញាក់ផ្អើលទេដែលគាត់ធ្វើបានល្អនៅប្រទេសអារ៉ាប៊ីសាអូឌីតនាពេលបច្ចុប្បន្ន។

សម្រាប់ Messi វិញក្តីសុបិនរបស់ខ្ញុំតាំងពីតូចគឺការលេងចាប់ដៃគូជាមួយគាត់។ រៀងរាល់ពេល និងមុនការប្រកយតគាត់គឺជាអ្នកបំផុសនិងជម្រុញរាល់គំនិតឥតឈប់ឈរសម្រាប់យើងរួចទៅហើយ។ ការរួមចំណែកជួយក្រុមជម្រើសជាតិឈ្នះពាន World Cup ២០២២ ជាមួយគាត់ គឺជាព្រឹត្តិការណ៍ប្រវត្តិសាស្រ្តអ្វីដែលខ្ញុំមិនអាចបំភ្លេចបានឡើយ។

ប្រភព:Sportbible

វីដេអូ: