ម្ចាស់ផ្ទះ Lazio មានគោលបំណងខិតទៅជិតវគ្គ ១៦ ក្រុមចុងក្រោយបន្ទាប់ពីឈរនៅលើកំពូលតារាងEuropa League ខណៈពួកគេនិងត្រៀមស្វាគមន៏ក្រុមភ្ញៀវ Ludogorets Razgrad របស់ប៊ុលហ្គារីមកកាន់កីឡដ្ឋាន Stadio Olimpico នៅថ្ងៃសុក្រខានស្អែកនេះវេលាម៉ោង ១២និង ៤៥នាទីរំលងអធ្រាត។ខណៈ Lazio ក្រុមមានមូលដ្ឋាននៅទីក្រុង Rome មានកំនត់ត្រាល្អដោយ៤ប្រកួតឈ្នះទាំង៤ដងឈរនៅលេខរៀងទី១ ចំណែកឯគូបដិបក្ស Ludogorets Razgrad គឺមិនទាន់ឈ្នះទេ ហើយឈរនៅលេខទី៣៤ ក្នុងតារាងមានចំនួន ៣៦ ក្រុមនោះ។
១.ប្រវត្តិជួបគ្នា
ក្រុមទាំងពីរធ្លាប់ជួបគ្នាពីរដងរួចមកហើយ ដោយជំនួបទាំងពីរធ្វើឡើងវគ្គជម្រុះក្នុងពូល នៃពានរង្វាន់ Europa Leagueរដូវកាល២០១៣-២០១៤ខណៈ Ludogorets ឈ្នះមួយ និងស្មើមួយ។ សម្រាប់ Lazio មិនស្គាល់ចាញ់សោះក្នុងការប្រកួតក្នុងផ្ទះ១០ប្រកួតនៅ Europa League ដោយឈ្នះ៦។Ludogorets មិនឈ្នះក្នុងការប្រកួតក្រៅដីចំនួន ១១ លើកចុងក្រោយ។
២.ពត៌មានក្រុម(ម្ចាស់ផ្ទះ)Lazio
Marco Baroni គ្រោងនឹងផ្លាស់ប្តូរសមាសភាពក្រុមរបស់គាត់សម្រាប់ការប្រកួតនេះមុនពេលមមាញឹកនៅប៉ុន្មានសប្តាហ៍ខាងមុខដោយត្រៀមជួប Lazio និង Napoli ពីរដង បន្ទាប់មក Ajax និង Inter Milan ។ បន្ទាប់ពីត្រូវបានប្តូរចេញនៅពាក់កណ្តាលតង់ទល់នឹងក្រុម Bologna ដោយសារបញ្ហាកំភួនជើង ខ្សែការពារកណ្តាល Alessio Romagnoli អាចត្រូវបានសម្រាក ខណៈដែលប្រធានក្រុម Mattia Zaccagni ក៏ត្រៀមអង្គុយកៅអីបម្រុងខណៈ ខ្សែការពារឆ្វេង Nuno Tavares ត្រូវអវត្តមានដោយរបួសសាច់ដុំ។
អ្នកស៊ុតបញ្ចូលទីក្នុងវគ្គផ្តាច់ព្រ័ត្រឆ្នាំ ២០១៩ កីឡាករវ័យ ៣៧ ឆ្នាំ Pedro រកបានគ្រាប់បាល់ ៣លើកក្នុងការបង្ហាញខ្លួន Europa League ៣ ដងចុងក្រោយរបស់គាត់ ហើយឥឡូវនេះគាត់អាចក្លាយជាកីឡាករចំណាស់បំផុតដែលស៊ុតបញ្ចូលទីបាន ៤ គ្រាប់ជាប់ៗគ្នា និងត្រៀមបំបែកកំនត់ត្រាមិត្តរួមជាតិអេស្ប៉ាញ Aritz Aduriz ដែលធ្លាប់ធ្វើបាននៅវ័យ ៣៦ ឆ្នាំ និង ១៩៩ ថ្ងៃ) ។
-ជម្រើស១១នាក់ដំបូងអាចនិងចូលលេងMandas; Marusic, Gila, Gigot, Pellegrini; Vecino, Rovella; Tchaouna, Dele-Bashiru, Pedro; Dia
-ទម្រង់លេងអាចនិងយកមកប្រើប្រាស់ ៤-៣-៣
៣.ពត៌មានក្រុម(ភ្ញៀវ)Ludogorets Razgrad
ទន្ទឹមនឹងនេះ Ludogorets នឹងធ្វើដំណើរទៅកាន់ Eternal City ដោយគ្មានកីឡាករប្រេស៊ីលពីរនាក់គឺ Rick និង Caio Vidal ដែលអ្នកទាំងពីរត្រូវបានព្យួរ។ដូច្នេះហើយ កីឡាករអន្តរជាតិប៊ុលហ្គារី Georgi Rusev និង Ivalyo Chochev គឺជាគូប្រជែងក្នុងការចូលមកក្នុងក្រុមដែលបានបញ្ចប់ក្នុងលទ្ធផលស្មើ ២-២ ក្នុងការប្រកួតលីកក្នុងស្រុកជាមួយ CSKA Sofia កាលពីថ្ងៃអាទិត្យ។ខ្សែបម្រើ Pedrinho អាចចូលលេងវិញក្រោយជាប់បម្រាម១ប្រកួតហើយគាត់អាចចូលរួមជាមួយ Erick Marcus ដែលជាអ្នកស៊ុតបញ្ចូលទីតែមួយគ្រាប់សម្រាប់ក្រុមពេលចូលលេង លើកដំបូង។
-ជម្រើស១១នាក់ដំបូងអាចនិងចូលលេងPadt; Fonn Witry, Verdon, Almeida, Son; Rusev, Duarte, Pedrinho, Chochev, Marcus; Duah
-ទម្រង់លេងអាចនិងយកមកប្រើប្រាស់ ៤-១-៤-១
៤.លទ្ធផលទស្សន៍ទាយសម្រាប់ការប្រកួតគូនេះគឺ Lazio ២ : ០ Ludogorets Razgrad
ប្រភព:whoscored &sportsmole& sportskeeda
ថ្មីៗនេះ Conor McGregor ត្រូវបានរកឃើញថា រូបគេមានការពាក់ព័ន្ធក្នុងសំណុំរឿងរដ្ឋប្បវេណីពាក់ព័ន្ធនឹងកញ្ញា Nikita Hand ដែលបានចោទប្រកាន់គាត់ពីបទរំលោភផ្លូវភេទនាងនៅក្នុងសណ្ឋាគារ Dublin ក្នុងឆ្នាំ 2018។ Hand បានចោទប្រកាន់ទៅកាន់ McGregor ថា បានវាយប្រហារនាង បន្ទាប់ពីពិធីជប់លៀង បណ្តាលឱ្យមានរបួសធ្ងន់ធ្ងរ។ McGregor បានបដិសេធការចោទប្រកាន់នេះ ដោយអះអាងថា ការជួបគ្នារបស់ពួកគេគឺជាការព្រមព្រៀងគ្នា។ តុលាការបានបង្គាប់ឱ្យគាត់បង់ថ្លៃខូចខាតជាង ២៥ ម៉ឺនអឺរ៉ូ។ យ៉ាងណាមិញ McGregor បានប្រកាសអំពីផែនការ ដើម្បីប្តឹងឧទ្ធរណ៍លើការសម្រេចចិត្តនេះ ដោយសម្តែងការខកចិត្តចំពោះសាលក្រមរបស់គណៈវិនិច្ឆ័យ និងភស្តុតាងដែលបានបង្ហាញក្នុងអំឡុងពេលសវនាការ។អត្ថបទកំពុងចាប់អារម្មណ៍៖ Conor McGregor ចេញសេចក្តីថ្លែងការណ៍ជាលើកដំបូង ក្រោយចាញ់ក្តីអស់ ២០០,០០០ផោន សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស បច្ចុប្បន្ន Conor McGregor បានចេញសេចក្តីថ្លែងការណ៍នៅលើបណ្តាញសង្គមរបស់លោកថា “អ្នករាល់គ្នាចង់ស្តាប់ដំណឹងពីខ្ញុំ, តែខ្ញុំត្រូវការពេលវេលា។ ខ្ញុំដឹងថា ខ្ញុំបានបង្កើតកំហុសកាលពី៦ឆ្នាំមុន ដែលខ្ញុំមិនគួរតបតទៅកាន់នាងនោះទេ ខ្ញុំគួរបញ្ឍប់កម្មវិធីជប់លៀង ខ្ញុំមិនគួរប៉ះលើនារីម្នាក់ដែលខ្ញុំស្រឡាញ់ជាងគេបំផុតនៅក្នុងលោក។ រឿងទាំងអស់មកពីខ្ញុំ ហើយខ្ញុំពិតជាសោកស្តាយវា […]
