អធិរាជកីឡាកាសដ៏ល្បីល្បាញប្រចាំស្ថាប័នWWE ជាច្រើនជំនាន់ដែលត្រូវបានប្រិយមិត្តស្គាល់ និង មានរហស្សនាម The Undertaker រឺស្តេចខ្មោច។និងមានឈ្មោះផ្សេងទៀតថាៈ ខ្មោចវង្វេងផ្នូរ ,ខ្មោចងើបពីផ្នូរ បានបង្ហាញវត្តមានដ៏គួរអោយភ្ញាក់ផ្អើលប្រកបដោយភាពទាក់ទាញ និង ដ៏កម្រ និងនៅនៅចំពោះមុខកីឡាករខ្សែប្រយុទ្ធស្លាបដ៏ល្បីល្បាញគឺ Cristiano ខណៈក្រុម Al Nassr ត្រៀមប្រកួតពានរង្វាន់ Riyadh Season Cup ជាមួយក្រុម Al Hilal កាលពីថ្ងៃសុក្រ ។
អ្នកកីឡាកាសចូលនិវត្តកាលពីឆ្នាំ២០២០បច្ចុប្បន្នមានវ័យ៥៨ឆ្នាំរូបនេះ មានឈ្មោះពិតថា Mark William Calaway ដែលត្រូវបានប្រិយមិត្តផ្តល់រហស្សនាមផងដែរថា The Phenom(មនុស្សចំលែកខុសគេ) បានធ្វើដំណើរចូលទៅកាន់វាលស្មៅនៅក្នុងសង្វៀនSaudi Arabia’s Kingdom Arena នៃព្រះរាជាណាចក្រអារ៉ាប៊ីសាអូឌីត បានធ្វើដំណើរយឺតៗ និងភ្លើងនៅកីឡដ្ឋានបានត្រូវបិទជាមួយសម្លេងសម្គាល់របស់គាត់បានបន្លឺឡើងបន្តិចម្តងៗគួរឱ្យព្រឺព្រួចហើយក្នុងដៃបានកាន់ពាន The Riyadh Trophy ដើម្បីយក ទៅដាក់តាំងបង្ហាញនៅមុខទីលានប្រកួត Saudi Cup Trophy តែម្តង។
ទោះយ៉ាងណាការប្រកួតនេះ Cristiano Ronaldo ដែលបានបង្ហាញពីអារម្មណ៏រំភើបនិងមានភាពញញឺម មិនអាចពាំនាំភាពសប្បាយរីករាយដល់ក្រុមបាន នោះទេ ខណៈ Al-Nassr បានប្រកួតចាញ់ក្រុមគូប្រជែង Al-Hilal ក្នុងលទ្ធផល ២ទល់និង០រកបានដោយកីឡាករSergej Milinković-Savić និង Salem Aldawsari បាននាំឱ្យ Al-Hilal ទទួលជ័យជម្នះតែម្តង។
សម្រាប់ Undertaker វិញវាមិនមែនជាលើកដំបូងសម្រាប់រូបលោកខណៈរូបគេធ្លាប់ធ្វើការប្រកួតចំនួនពីរដងមកហើយនៅប្រទេសនាតំបន់មជ្ឈឹមបូព៌ានេះក្រោយពីនៅឆ្នាំ ២០១៨ រូបគេបានផ្តួលអ្នកកីឡាកាសរុស្សី Rusev ក្នុងការប្រកួតដាក់មឈូស មុនពេលផ្តួលមិត្តរួមជាតិ( Hall of Famer)ដ៏ល្បីល្បាញគឺ Goldberg ក្នុងឆ្នាំ ២០១៩។ប
ប្រភព:The Mirror & Joe
វីដេអូ Undertaker បង្ហាញពាន
(វីដេអូការប្រកួត Al-Nassr vs Al-Hilal)
