បរទេស៖ សារព័ត៍មាន The New York Times ដែលបានបង្កើតឡើងតាំងពីឆ្នាំ១៨៥១ និងមានការទទួលស្គាល់ពីមហារជនជាច្រើនជំនាន់ បានចុះផ្សាយកោតសរសើរលើកីឡាការនី ប៊ូ សំណាង ចំពោះការតស៊ូរបស់នាង អំឡុងការប្រកួតនៅក្នុងព្រឹត្តិការណ៍ស៊ីហ្គេមលើកទី៣២ នៅក្នុងប្រទេសកម្ពុជា ។ គួរបញ្ជាក់ផងដែរថា កីឡាការនី ប៊ូ សំណាង បានទទួលការចាប់អារម្មណ៍សំណាក់មហារជនជាច្រើនមិនថា ក្នុង ឬក៏ក្រៅស្រុកឡើយ ដោយបានកោតសរសើរចំពោះតស៊ូរបស់នាង ដោយមិនបោះបង់ការប្រកួតទោះបី ដឹងថាខ្លួននឹងបញ្ចប់ទៅនៅចំណាត់ថ្នាក់ក្រោយគេក្តី ជាមួយនឹងការរារាំងពីខ្យល់ និងភ្លៀងជាខ្លាំង ។ យ៉ាងណាមិញ សារព័ត៍មាន The New York Time បានបង្ហោះនូវវីដេអូ និងសរសេរថា៖ «ទស្សនាទិដ្ឋភាពកីឡាការនី ប៊ូ សំណាង ដែលកីឡាការនីកម្ពូជាអាយុ២០ឆ្នាំ រត់ប្រណាំងចំណាយ ៥០០០ម៉ែត្រ ខណៈនាងមានជម្ងឺលើកឈាមក្តី ក្នុងព្រឹត្តិការណ៍ Sea Game 32th ក្រោមព្យុះភ្លៀង។ នាងបាននិយាយថា៖ «ទោះបីជាខ្ញុំដឹងថាខ្ញុំមិនឈ្នះក៏ដោយ ប៉ុន្តែខ្ញុំបានប្រាប់ខ្លួនឯងថា ខ្ញុំនឹងមិនបោះបង់ការប្រកួតជាដាច់ខាត»
Watch as Bou Samnang, a 20-year-old Cambodian runner, finishes last in a 5,000-meter race while suffering from low blood pressure at the Southeast Asian Games in a rainstorm. “I knew that I would not win, but I told myself that I should not stop,” she said.https://t.co/ZujAID5NqO pic.twitter.com/TlkWYcvMRK
— The New York Times (@nytimes) May 25, 2023
