(បាសេឡូណា)៖ អាជីពនៅឯក្លិប FC Barcelona របស់កីឡាករ Jordi Alba នឹងឈានដល់ទីបញ្ចប់ នៅពេលចប់រដូវកាលនេះ បន្ទាប់ពីក្លិបលេងនៅលីគ La Liga បានប្រកាសពីការព្រមព្រៀង ក្នុងការបញ្ចប់កិច្ចសន្យារបស់លោក។ នេះបើយោងតាមសារព័ត៌មាន Live Score ចេញផ្សាយនៅថ្ងៃទី២៥ ខែឧសភា ឆ្នាំ២០២៣។
កីឡាករវ័យ ៣៤ឆ្នាំ ដែលកិច្ចសន្យានាពេលបច្ចុប្បន្នរបស់លោក នឹងផុតកំណត់នៅពេលចប់រដូវកាល២០២៣-២៤ បានបង្ហាញខ្លួន៤៥៨លើក សម្រាប់ក្លិប និងបានឈ្នះពានរង្វាន់ធំៗចំនួន ១៩លើក ចាប់តាំងពីបានបង្ហាញខ្លួនផ្លូវការជាលើកដំបូង ក្នុងពេលប៉ះក្រុម Real Sociedad ក្នុងឆ្នាំ២០១២។
Alba បានចាប់កំណើតនៅទីក្រុង Barcelona ហើយបានចូលរួមជាមួយក្រុមយុវជនរបស់ក្លិប មុនពេលចាកចេញក្នុងឆ្នាំ២០០៥។
លោកបានផ្ទេរទៅកាន់ក្លិបក្នុងស្រុក Valencia ដោយបានលេងក្នុងជម្រើសដំបូង មុនពេលក្លិប Barcelona នាំយកលោកត្រឡប់មកវិញ ទៅកាន់កីឡដ្ឋាន Nou Camp វិញក្នុងឆ្នាំ២០១២៕
បរទេសៈ Arsenal ត្រូវបានគេរាយការណ៍ថាកំពុងសម្លឹងមើលរកខ្សែបម្រើថ្មីម្នាក់ដើម្បីមកជំនួសកន្លែងរបស់ខ្សែបម្រើឆ្នើមMartin Odegaard ក្រោយប៉ុន្មានប្រកួតចុងក្រោយហាក់បីធ្លាក់ទម្រង់ខ្លាំង។អត្ថបទកំពុងចាប់អារម្មណ៍៖ Man City ព្រួយបារម្ភរឿងមួយ ពេលប៉ះក្រុម Aston Villa យប់នេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ទោះបីជាបានឈានទៅដល់វគ្គពាក់កណ្តាលផ្តាច់ព្រ័ត្រពានរង្វាន់ Uefa Champions League ក៏ពិតមែន ប៉ុន្តែពួកគេបានភ្លាត់ធ្វើឲ្យរបូតពិន្ទុជាច្រើនក្នុងក្របខណ្ឌ Premier League ដែលបានធ្វើឲ្យក្រុម Liverpool នាំមុខរហូតដល់ទៅ១៣ពិន្ទុ ដែលនេះអាចជារដូវកាលទី៣ហើយដែល Arsenal នឹងត្រូវបញ្ចប់នៅចំណាត់ថ្នាក់លេខ២ជាប់ៗគ្នា។ Odegaard ដែលបានអវត្តមាន២ខែកាលពីដើមរដូវកាលនេះដោយសារតែបញ្ហារបួសជង្គង់ហាក់ធ្លាក់ទម្រង់លេងជាខ្លាំងក្រោយត្រលប់ចូលរួមជាមួយនឹងក្រុមវិញ ជាពិសេសវាបានធ្វើឲ្យប៉ះពាល់ដល់តំបន់ការពារជាខ្លាំងថែមទៀតផង។ ក្នុងរដូវកាលនេះ Odegaard ទើបតែអាចរកបាន២គ្រាប់ និង ៥ Assist ប៉ុន្មាន បើធៀបរដូវកាលមុនរូបគេអាចរកបានដល់ទៅ៨គ្រាប់ និង ១០ Assists ។ បច្ចុប្បន្នក្រុមយក្សមួយនេះកំពុងសិក្សាអំពីស្ថានភាពកាយសម្បទារបស់ Odegaard ដែលវាអាចបន្តជះឥទ្ធិពលខ្លាំដល់ក្រុមទាំងមូល ខណៈក្លឹបក៏កំពុងពិចារណាក្នុងនាំខ្សែបម្រើថ្មីផងដែរ៕
