បរទេស៖ អ្នកចាំទី Emi Martinez បានបញ្ចុះបញ្ចូលមិត្តរួមក្រុមជម្រើសជាតិអាហ្សង់ទីន  Lionel Messi ឲ្យមកកាន់ Aston Villa បន្ទាប់ពីបានឃើញ Messi ត្រូវអ្នកគាំទ្រក្លឹប Paris Saint-Germain ស្រែកចំអកនៅលើទីលានប្រកួត ហើយកីឡាករ Martinez បានអះអាងទៀតថាខ្លួន នឹងកាត់ប្រាក់ខែប្រសិនបើចាំបាច់។

ម្ចាស់ពានរង្វាន់ Ballon d’Or ប្រាំពីរសម័យកាល Lionel Messi កំពុងត្រៀមខ្លួនក្នុងការចាកចេញដោយគ្មានតម្លៃខ្លួននារដូវក្តៅនេះ ដោយកិច្ចសន្យារបស់គាត់នៅក្លឹបយក្សបារាំង Paris Saint-Germain នឹងត្រូវផុតកំណត់។ ទោះបីជាយ៉ាងណា Martinez ចង់ឃើញមិត្តរួមក្រុមឈ្នះ World Cup ចូលរួមជាមួយខ្លួនក្នុងក្របខ័ណ្ឌ Premier League ហើយអ្នកចាំទីរូបនេះបានរៀបចំក្នុងការបញ្ចុះប្រាក់ខែរបស់ខ្លួនរួចហើយ ដើម្បីឲ្យកិច្ចព្រមព្រៀងនេះអាចកើតឡើងបាន៕

ប្រភព៖ goal.com