Close
Ads: 88BOL
Featured-Image
ទទួលទានទឹកឃ្មុំ ទទួលបានអត្ថប្រយោជន៍យ៉ាងតិច៣២យ៉ាង
ទំហំអក្សរ
តូច
ធំ

(ភ្នំពេញ)៖ ទឹកឃ្មុំមានអត្ថប្រយោជន៍រាប់មិនអស់សម្រាប់សុខភាព ទឹកឃ្មុំត្រូវបានគេជឿថាជាឱសថព្យាបាលជំងឺជាច្រើនមុខ និងជាអាហារថាមពល។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ខាងក្រោមជាអត្ថប្រយោជន៍៣២យ៉ាងចំពោះសុខភាព ដែលបានពីការទទួលទាននិងប្រើប្រាស់ទឹកឃ្មុំ៖

១. សម្បូរសារធាតុចិញ្ចឹម
ទឹកឃ្មុំ១ស្លាបព្រាបាយមានផ្ទុកកាឡូរី៦៤កាឡូរី និងស្ករ១៧ក្រាម រួមទាំងជាតិស្ករព្រុយតូស (Fructose) គ្លុយកូស (Kluykouh) ម៉ាល់តូស (Maltose) និងស៊ុយក្រូស (Sucrose)។ ទឹកឃ្មុំមានផ្ទុកជាតិដែក (Fe) និងសមាសធាតុសំខាន់ៗជាច្រើនទៀតដែលមានអត្ថប្រយោជន៍សម្រាប់សុខភាព។

២. សម្បូរសារធាតុប្រឆាំងអុកស៊ីតកម្ម
ទឹកឃ្មុំមានផ្ទុកនូវសារធាតុប្រឆាំងអុកស៊ីតកម្មសំខាន់ៗដែលមានផ្ទុកសារធាតុផេណុល (Phenols) អង់ស៊ីម Flavonoids និងអាស៊ីតសរីរាង្គ។ សារធាតុប្រឆាំងអុកស៊ីតកម្មក្នុងទឹកឃ្មុំត្រូវបានផ្សារភ្ជាប់ទៅនឹងការកាត់បន្ថយហានិភ័យនៃជំងឺគាំងបេះដូង ជំងឺដាច់សរសៃឈាមខួរក្បាល និងប្រភេទជំងឺមហារីកមួយចំនួន។

៣. ព្យាបាលជំងឺក្អក
បើយោងតាមអង្គការសុខភាពពិភពលោក (WHO) បានឱ្យដឹងថា ទឹកឃ្មុំត្រូវបានគេចាត់ទុកជាសារធាតុរំលាយ ដែលជាសារធាតុមួយអាចជួយបំបាត់ការរលាកនៅក្នុងមាត់ ឬបំពង់ក។ ជាពិសេសការទទួលទានទឹកឃ្មុំអាចជួយការពារ និងព្យាបាលជំងឺក្អក។

៤. បង្កើនថាមពល
ការទទួលទានទឹកឃ្មុំ១ស្លាបព្រាបាយអាចជួយផ្តល់ថាមពលភ្លាមៗ ប្រសិនបើអ្នកកំពុងតែមានអារម្មណ៍អស់កម្លាំង ឬបន្ទាប់ពីធ្វើការហត់ ឬហាត់ប្រាណ។

៥. គ្រប់គ្រងជាតិស្ករក្នុងឈាម
ទឹកឃ្មុំមានផ្ទុកជាតិស្ករធម្មតាដែលល្អបំផុតសម្រាប់សុខភាពជាងស្ករដែលចម្រាញ់ផ្សេងៗទៀត។ ទឹកឃ្មុំមានផ្ទុកជាតិស្ករ Fructose និងគ្លុយកូស ដែលអាចជួយឱ្យរាងកាយគ្រប់គ្រងកម្រិតជាតិស្ករក្នុងឈាមឱ្យមានស្ថិរភាព។

៦. បង្កើនការចង់ចាំ
ទឹកឃ្មុំមានអត្ថប្រយោជន៍បង្កើនថាមពលខួរក្បាល និងការចង់ចាំផងដែរ។ ការទទួលទានទឹកឃ្មុំអាចជួយបង្ការភាពតានតឹង ជួយឱ្យអ្នកមានអារម្មណ៍ស្ងប់ស្ងាត់ និងខួរក្បាលស្រស់ថ្លា។

៧. ជួយសម្រកទម្ងន់
តើអ្នកដឹងទេថាទឹកឃ្មុំជាថ្នាំសម្រក់ទម្ងន់? ទឹកឃ្មុំមានសមត្ថភាពអាចជួយដុតបំផ្លាញជាតិខ្លាញ់នៅក្នុងរាងកាយ សូម្បីតែនៅពេលដែលអ្នកកំពុងគេង។ អ្នកដាក់ប្រើប្រាស់ទឹកឃ្មុំ១ស្លាបព្រាកាហ្វេទៅក្នុងទឹកក្តៅឧណ្ហៗមួយកែវ ហើយទទួលទានទាំងពោះទទេ ឬទទួលទានមួយស្លាបព្រាកាហ្វេមុនពេលចូលគេង ទម្ងន់នឹងស្រកដោយមិនដឹងខ្លួន។

៨. ទឹកឃ្មុំជួយរក្សាតុល្យភាពរាងកាយ និងរក្សាទម្ងន់
អ្នកដែលមានបញ្ហាឈឺសន្លាក់ដៃជើង ឈឺឆ្អឹងឆ្អែង សរសៃទាញញឹកញាប់ ឬរោគធាត់ ក៏អាចទទួលទានទឹកឃ្មុំដើម្បីជួយបន្ថយជំងឺផ្សេងៗបានដែរ។ វិធី គឺយកទឹកឃ្មុំ៣ស្លាបព្រាលាយផ្សំជាមួយទឹកខ្មេះ និងទឹកប៉ោម៣ស្លាបព្រាកាហ្វេ លាយទឹកសុទ្ធ១កែវ ទទួលទានរៀងរាល់ព្រឹកក្រោយភ្ញាក់ពីដំណេក និងនៅចន្លោះពេលបាយជាប្រចាំរាល់ថ្ងៃ វានឹងជួយធ្វើឱ្យរាងកាយរបស់អ្នកមានសុខភាពមាំមួន។

៩. មុខស្ងួតបែកស្រកា
ស្ត្រីដែលមានស្បែកមុខក្រៀមស្ងួត សូមយកស៊ុត១គ្រាប់គោះយកផ្នែកក្រហម លាយជាមួយទឹកឃ្មុំ១ស្លាបព្រាកូរបញ្ចូលឱ្យសព្វ ហើយលាបបំពោកលើផ្ទៃមុខទុកចោលប្រហែល១០នាទី សឹមលាងសម្អាតចេញវិញដោយទឹកស្អាត។

១០. ទឹកឃ្មុំផ្សះមុនខ្សាច់លើផ្ទៃមុខ
ត្រូវអនុវត្តក្រោយពីលុបលាងមុខដោយទឹកក្តៅឧណ្ហៗ រួចជូតឱ្យស្ងួត បន្ទាប់មកយកចេកអំបូងមួយកំណាត់ផ្លែកិនលាយជាមួយទឹកឃ្មុំ ហើយលាបលើផ្ទៃមុខទុកចោលពី១០-១៥នាទី សឹមលាងចេញវិញ។ ដោយសារទឹកឃ្មុំមានអង់ស៉ីមអាចធ្វើឱ្យស្បែកមុខរបស់អ្នកមានសំណើមត្រជាក់ និងជួយបំប៉នស្បែកឱ្យសខ្ចីក្មេងជាងវ័យ។

១១. សក់ជំពាក់ពិបាកសិត
ក្រោយពីកក់សក់រួច យកទឹកឃ្មុំលាយជាមួយប្រេងអូលីវ ដោយមួយមុខៗ៣ស្លាបព្រាលាយឱ្យសព្វសរសៃសក់ ហើយទុកចោល៣-៥នាទី សឹមលាងចេញវិញដោយទឹកស្អាត នោះសរសៃសក់នឹងទន់ល្មើយគួរឱ្យស្រឡាញ់។

១២. គេងមិនលក់
សូមយកទឹកឃ្មុំលាយជាមួយទឹកក្តៅឧណ្ហៗឬទឹកដោះគោក្តៅ ហើយពិសាមុនពេលចូលគេង នោះនឹងជួយឱ្យអ្នកគេបានលង់លក់ស្រួល។

១៣. ដុសខាត់ស្បែកដោយវិធីងាយៗ
គ្រាន់តែយកទឹកឃ្មុំលាយផ្សំជាមួយផ្លែប៉ោមកិនក្រឡុកបញ្ចូលគ្នាលាបឱ្យសព្វលើផ្ទៃមុខថ្នមៗ ភាពគ្រើមរបស់ផ្លែប៉ោមអាចជួយកម្ចាត់កោសិកាស្បែកចាស់ចេញ ផ្លាស់កោសិកាស្បែកថ្មីឡើងមកមានភាពភ្លីថ្លា។

១៤. រូបមន្តបំបាត់ស្នាមជ្រីវជ្រួញត្រង់កន្ទុយភ្នែក
យកការ៉ុត១មើមបកសំបកចេញ ហើយកិនក្រឡុកឱ្យម៉ដ្ឋដោយលាយផ្សំជាមួយទឹកឃ្មុំ បន្ទាប់មកលាបបំពោកឱ្យសព្វលើផ្ទៃមុខទុកចោលពី៥-១០នាទី រួចហើយសឹមលុបលាងចេញវិញ នោះស្នាមជ្រីវជ្រួញនឹងបាត់ទៅបន្តិចម្តងៗពីលើផ្ទៃមុខរបស់អ្នក។

១៥. អាការឈឺក ឬស្ងួតបំពង់ក
ដើម្បីបំបាត់អាការនេះ គ្រាន់តែផ្សំទឹកក្រូចឆ្មារ១ផ្លែជាមួយទឹកឃ្មុំ២-៣ស្លាបព្រាបាយ និងទឹកក្តៅ២ស្លាបព្រាបាយ ពិសាដោយក្រេបបន្តិចម្តងៗ ដើម្បីបំបាត់អាការឈឺក្នុងបំពង់ក។ បើពិសាមិនអស់ទេអាចយកទៅលាបមុខក៏បាន ដោយលាបទុករយៈពេល១០-១៥នាទី សឹមលុបលាងមុខចេញវិញដោយទឹកស្អាត នោះស្បែកមុខរបស់អ្នកនឹងសរលោងតឹងណែនជាមិនខាន។

១៦. ព្យាបាលស្បែក
រាល់របួសដែលកើតពីការរលាក ឬកកិត ឬដំបៅដែលកើតដោយសារកាំរស្មី ទាំងអស់នេះសុទ្ធតែឆ្លើយតបនឹងការជាសះស្បើយដោយលាបទឹកឃ្មុំ។ អត្ថប្រយោជន៍បែបនេះ ក៏ព្រោះទឹកឃ្មុំមានផ្ទុកសារធាតុអ៊ីដ្រូសែនពែរ៉ូស៊ីត (Hydrogen Peroxide)។

១៧. បន្ថយការរមាស់មូសខាំ
សមាសធាតុប្រឆាំងនឹងការរលាករបស់ទឹកឃ្មុំបានធ្វើឱ្យវាក្លាយជាជម្រើសល្អមួយជួយបន្ថយការរមាស់ និងបំបាត់ត្រង់ស្នាមមុខខាំ។

១៨. ជួយបង្កើនកម្លាំងប្រព័ន្ធការពាររាងកាយ
ដោយសារទឹកឃ្មុំសម្បូរបែបទៅដោយសមាសធាតុ Polyphenols ដូច្នេះវាមានសមត្ថភាពគ្រប់គ្រាន់ជួយការពារបណ្តាកោសិកាពីការបំផ្លាញដោយរ៉ាឌីកាល់សេរី។ បន្ថែមពីលើនេះទៀត ជួយធ្វើឱ្យល្អប្រសើរដល់សុខភាពបេះដូង ក៏ដូចជាការពារប្រឆាំងនឹងមហារីក។

១៩. ជំនួយដល់ការរំលាយអាហារ
យោងតាមការសិក្សាស្រាវជ្រាវកាលឆ្នាំ២០០៦ ដែលបានចុះផ្សាយនៅក្នុងក្នុងព្រឹត្តបត BMC Complementary & Alternative Medicine បានបង្ហាញថា ការយកទឹកឃ្មុំទៅជំនួសស្ករក្នុងអាហារកែច្នៃរួច គឺអាចធ្វើឱ្យល្អប្រសើរដល់ពពួកអតិសុខុមកាយក្នុងពោះវៀន។

២០. ជួយព្យាបាលមុនលើផ្ទៃមុខ ទ្រូង និងខ្នង
យោងតាមការសិក្សាស្រាវជ្រាវបង្ហាញថា ទឹកឃ្មុំប្រភេទ Manuka និង Kanuka អាចព្យាបាលមុនធំៗដោយប្រសិទ្ធភាព។

២១. ប្រឆាំងជាតិពុល
សារធាតុពិសេសមួយចំនួនជាពពួកសារធាតុប្រឆាំងនឹងជាតិពុលយ៉ាងសកម្មដែលទទួលបានពីការហូបទឹកឃ្មុំ អាចការពារយើងពីការខូចខាតនៃកោសិកា ដែលបណ្ដាលមកពីកត្ដាទាំងខាងក្នុងនិងខាងក្រៅ។ គេបានរកឃើញថា សារធាតុប្រឆាំងជាតិពុលនេះបានជួយកាត់បន្ថយនូវហានិភ័យនៃជំងឺដាច់សរសៃឈាមខួរក្បាល ជំងឺគាំងបេះដូង និងជំងឺមហារីកមួយចំនួន។ ក្រៅពីនេះវាក៏បានជួយជំរុញសុខភាពភ្នែកទៀតផង។

២២. រក្សាសំពាធឈាម
តើអ្នកដឹងទេថាការឡើងសំពាធឈាមជាកត្តាមួយដែលបណ្តាលឱ្យមានវិបត្តិនៃជំងឺបេះដូង។ បើយោងទៅតាមការសិក្សាស្រាវជ្រាវទាំងទៅលើសត្វ និងមនុស្សបានបង្ហាញឱ្យឃើញថា ទឹកឃ្មុំបានចូលរួមចំណែកយ៉ាងខ្លាំងក្នុងការរក្សាសំពាធឈាមឱ្យនៅធម្មតា ហើយវាជាកត្តាចូលរួមចំណែកក្នុងការការពារពីជំងឺលើសឈាម ដែលជាមូលហេតុចម្បងនៃជំងឺគាំងបេះដូង និងជំងឺដាច់សរសៃឈាមខួរក្បាលជាដើម។

២៣. កាត់បន្ថយកូលេស្តេរ៉ុល
ទឹកឃ្មុំជាថ្នាំធម្មជាតិដែលអាចកាត់បន្ថយសារធាតុកូលេស្តេរ៉ុលមិនល្អដែលបង្កជាកករក្នុងសរសៃឈាម។ សារធាតុកករទាំងនេះ
កាលណាវាកើនឡើងច្រើនអាចបណ្ដាលឱ្យស្ទះចរន្តឈាម ដែលជាហេតុអាចបណ្តាលឱ្យមានជំងឺដាច់សរសៃឈាមខួរក្បាល។ ក្រៅពីនេះសារធាតុកូលេស្តេរ៉ុលអាចធ្វើឱ្យសរសៃឈាមឡើងរឹងមិនមានភាពបត់បែនល្អ ធ្វើឱ្យសំពាធឈាមកើនឡើងនោះនឹងបណ្តាលឱ្យហានិភ័យនៃជំងឺបេះដូងកាន់តែខ្លាំងជាងមុន។

២៤. ប្រឆាំងនឹងជំងឺក្អកចំពោះកុមារ
ជាការពិត កុមារកំពុងស្ថិតក្នុងវ័យលូតលាស់ ដូច្នេះប្រព័ន្ធភាពស៊ាំរាងកាយក៏នៅមានកម្រិតដែរ ដែលជាហេតុធ្វើឱ្យការការពាររាងកាយពុំទាន់មានប្រសិទ្ធភាពខ្លាំងនៅឡើយ។
កុមារងាយនឹងឆ្លងជំងឺផ្តាសាយ និងជំងឺប្រព័ន្ធដង្ហើមណាស់ ដោយសារកត្តានៃភាពគ្មានអនាម័យនៅក្នុងបរិស្ថានដែលខ្លួនរស់នៅ។
ទឹកឃ្មុំត្រូវបានគេស្រាវជ្រាវឃើញថាវាបានជួយបង្កើនប្រព័ន្ធភាពស៊ាំរាងកាយ និងប្រឆាំងជំងឺយ៉ាងមានប្រសិទ្ធភាព ហើយធ្វើឱ្យអាការនៃជំងឺកាន់តែប្រសើរឡើង។ ក៏ប៉ុន្តែសូមកុំឱ្យក្មេងក្រោមអាយុ១ឆ្នាំហូបឡើយ ព្រោះវាអាចមានឥទ្ធិពលអវិជ្ជមានទៅដល់សុខភាពរបស់កុមារ។

២៥. កម្ចាត់ខ្លាញ់ក្បាលពោះ
សារធាតុប្រឆាំងអុកស៊ីតកម្មក្នុងក្រូចឆ្មារជួយបំបែកកោសិកាខ្លាញ់។ រីឯទឹកឃ្មុំផ្តល់ឱ្យរាងកាយនូវថាមពល។ អ្វីដែលអ្នកត្រូវធ្វើ គឺនៅពេលព្រឹកលាយទឹកឃ្មុំ១ស្លាបព្រាកាហ្វេក្នុងទឹកក្ដៅឧណ្ហៗ១កែវ រួចបន្ថែមទឹកក្រូចឆ្មារស្រស់ម្ខាងចូល កូរឱ្យសព្វ សឹមទទួលទាន។

២៦. ដោះស្រាយបញ្ហាពាក់ព័ន្ធនឹងផ្លូវដង្ហើម
នោះក៏ព្រោះតែភេសជ្ជៈនេះមានប្រសិទ្ធភាពសម្រួលផ្លូវដង្ហើម និងពង្រាវស្លេស។ ម្យ៉ាងវិញទៀតភេសជ្ជៈក្រូចឆ្មារទឹកឃ្មុំមានលក្ខណៈសម្បត្តិប្រឆាំងបាក់តេរី និងការរលាក ដែលជួយក្នុងការព្យាបាលបញ្ហាផ្លូវដង្ហើមបានយ៉ាងប្រសើរ។ ភេសជ្ជៈនេះក៏ល្អសម្រាប់អ្នកជំងឺហឺតដោយវីតាមីន C នៃក្រូចឆ្មារជួយពង្រឹងប្រព័ន្ធផ្លូវដង្ហើមដែលសម្រួលដល់ការដកដង្ហើម។ គ្រាន់តែលាយទឹកក្រូចឆ្មារស្រស់២ស្លាបព្រាកាហ្វេ និងទឹកឃ្មុំ១ស្លាបព្រាបាយក្នុងទឹកក្ដៅឧណ្ហៗ១កែវ រួចកូរឱ្យសព្វ។ កុំភ្លេចទទួលទានភេសជ្ជៈនេះឱ្យបានពី៣ទៅ៤ដងក្នុងមួយថ្ងៃ។

២៧. ជួយបំបាត់ស្នាមខ្មៅលើស្បែក
អ្វីដែលអ្នកត្រូវធ្វើ គឺគ្រាន់តែលាយក្រូចឆ្មារ និងទឹកឃ្មុំក្នុងបរិមាណស្មើគ្នា។ រួចលាបលើតំបន់ស្បែកដែលមានបញ្ហា និងទុកចោលពី២០-៣០នាទីសិន សឹមលាងសម្អាតចេញជាមួយទឹកត្រជាក់។

២៨. ព្យាបាលជំងឺផ្ដាសាយ ឬគ្រុនផ្តាសាយ
នោះក៏ព្រោះតែភេសជ្ជៈនេះជាប្រភពដ៏ល្អបំផុតមួយនៃវីតាមីន C ដែលជួយពង្រឹងប្រព័ន្ធភាពស៊ាំរាងកាយ។ ដាំទឹកធម្មតាកន្លះលីត្រឱ្យពុះ រួចបន្ថែមខ្ចី២ចំណិតចូល។ បន្ថែមទឹកឃ្មុំ និងទឹកក្រូចឆ្មារ៣ស្លាបព្រាបាយចូលហើយកូរឱ្យសព្វ។ ត្រងកាកខ្ញីចេញ រួចទទួលទានឱ្យបានយ៉ាងហោចណាស់ពី៣-៤ដងក្នុងមួយថ្ងៃ។

២៩. ដោះស្រាយបញ្ហាប្រព័ន្ធរំលាយអាហារ
ក្រូចឆ្មារទឹកឃ្មុំ គឺមានអត្ថប្រយោជន៍ណាស់ក្នុងការព្យាបាលបញ្ហាប្រព័ន្ធរំលាយអាហារ។ អ្នកអាចលាយទឹកឃ្មុំ១ស្លាបព្រាកាហ្វេ និងទឹកក្រូចឆ្មារស្រស់២ស្លាបព្រាកាហ្វេក្នុងទឹកក្តៅឧណ្ហៗមួយកែវ។ ភេសជ្ជៈក្រូចឆ្មារទឹកឃ្មុំមានប្រសិទ្ធភាពបង្កើនការផលិតអាស៊ីតក្រពះ និងទឹកប្រមាត់ ដែលជួយសម្រួលដល់ការបំបែករំលាយអាហារ រួមទាំងការស្រូបយកសារធាតុចិញ្ចឹម។ ដូច្នេះអ្នកនឹងជៀសផុតពីបញ្ហាផ្សេងៗទាក់ទងនឹងប្រព័ន្ធរំលាយអាហារ។

៣០. ជាប្រភពនៃវីតាមីន និងជាតិរ៉ែ
ទឹកឃ្មុំភាគច្រើនផ្ទុកទៅដោយជាតិរ៉ែ និងវីតាមីនសំខាន់ៗ៣យ៉ាង៖ ទី១-គឺវីតាមីន C ដែលជាសារធាតុដ៏មានប្រយោជន៍ច្រើនដល់រាងកាយមនុស្ស ដូចជា ផ្តល់ភាពរឹងមាំដល់ប្រព័ន្ធភាពស៊ាំ ទី២-ជាតិកាល់ស្យូមសម្រាប់ពង្រឹងដល់សុខភាពឆ្អឹង ទី៣-មានជាតិដែកដែលជាសារធាតុដ៏មានប្រយោជន៍ក្នុងប្រព័ន្ធរបត់ឈាមរត់។

៣១. បង្កើនគ្រាប់ឈាមក្រហម
ការផឹកទឹកលាយជាមួយទឹកឃ្មុំនឹងបង្កើនចំនួនគ្រាប់ឈាមក្រហម ព្រមទាំងអុកស៊ីសែនក្នុងឈាមទៀត។ ការកើនឡើងរបស់អុកស៊ីសែននឹងធ្វើឱ្យរាងកាយអាចបង្កើតផលិតផលរបស់ខ្លួនកាន់តែច្រើន ព្រមទាំងមានសមត្ថភាពកាន់តែខ្លាំងសម្រាប់ទប់ទល់នឹងជំងឺ។ ការកើនឡើងរបស់អុកស៊ីសែនក៏បង្កើនថាមពលផងដែរ ជាពិសេសពេលហាត់ប្រាណបែបអឺរ៉ូប៊ិកតែម្តង។ នៅពេលរាងកាយមនុស្សម្នាក់មានសកម្មភាពរាងកាយកាន់តែច្រើន
ចិត្តគំនិតរបស់គេក៏ងាយនឹងមានភាពវិជ្ជមានច្រើនដែរ។ ដូច្នេះហើយការទទួលទានទឹកឃ្មុំអាចនឹងបង្កើនផលិតភាពក្នុងរាងកាយផង និងចិត្តគំនិតផង។

៣២. ជាតិស្ករដ៏អស្ចារ្យ
វាគឺជារឿងធម្មតាទៅហើយដែលមនុស្សទូទៅដឹងថាទឹកឃ្មុំផ្ទុកទៅដោយជាតិស្ករ។ ទោះបីជាយ៉ាងណាក៏ដោយ ប្រភេទស្ករមួយនេះគឺខុសគ្នាពីស្ករសដែលយើងទទួលទានធម្មតា។ ជាតិស្ករដែលមានក្នុងទឹកឃ្មុំពិតប្រាកដដែលគ្មានការបន្ថែម ឬផ្លាស់ប្ដូររចនាសម្ពន្ធគីមី មានសារធាតុមួយឈ្មោះថា Dextrin សម្រាប់ជួយសម្របសម្រួលដល់កម្រិតជាតិស្ករក្នុងឈាមបាន៕

អត្ថបទកំពុងចាប់អារម្មណ៍៖
ពេញលេងហើយ! MAN UTD បង្កើនចំណាប់អារម្មណ៍លើខ្សែការពាររូបនេះ សម្រាប់ជំនួស Varane
featured image

(អង់គ្លេស)៖ ក្លឹបបិសាចក្រហម Manchester United កំពុងបង្កើនការចាប់អារម្មណ៍ក្នុងការចុះហត្ថលេខាលើខ្សែការពារ Jarrad Branthwaite របស់ក្លឹប Everton ក្នុងអំឡុងពេលទីផ្សារដោះដូរកីឡាកររដូវក្តៅខាងមុខ នេះបើយោងតាមគេហទំព័រ Football Insider បានចេញផ្សាយ។អត្ថបទកំពុងចាប់អារម្មណ៍៖ Chelsea ប្រឈមអវត្តមានកីឡាករឆ្នើមក្នុងជំនួបជាមួយម្ចាស់ផ្ទះ Arsenal (មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស របាយការណ៍បានបន្ថែមថា គ្រូបង្វឹក Man United លោក Erik ten Hag ចង់យល់ព្រមលើកិច្ចព្រមព្រៀងដំបូងជាមួយ Everton លើខ្សែការពារដែលអាចក្លាយជាកីឡាករដំបូងនៃរជ្ជកាលរបស់លោក Sir Jim Ratcliffe នៅ Old Trafford ។ គួរជម្រាបដែរថា Branthwaite បានបង្ហាញខ្លួន ៣៩ប្រកួត នៅគ្រប់ការប្រកួតទាំងអស់ សម្រាប់ក្រុមដំបូង Everton នៅ Goodison Park ខណ:រូបគេក៏បានចំណាយពេល ១ឆ្នាំមុន ក្នុងលក្ខខណ្ឌខ្ចីជើងនៅក្រុម […]

ចុចអានបន្ត
អត្ថបទទាក់ទង
  • Sponsor by 88Bol
  • Premier League

    # Team MP W D L F A G P
    1 Arsenal 33 23 5 5 77 26 +51 74
    2 Liverpool 33 22 8 3 75 32 +43 74
    3 Manchester City 32 22 7 3 76 32 +44 73
    4 Aston Villa 34 20 6 8 71 50 +21 66
    5 Tottenham Hotspur 32 18 6 8 65 49 +16 60
    6 Newcastle United 32 15 5 12 69 52 +17 50
    7 Manchester United 32 15 5 12 47 48 -1 50
    8 West Ham United 34 13 9 12 54 63 -9 48
    9 Chelsea 31 13 8 10 61 52 +9 47
    10 Brighton & Hov… 32 11 11 10 52 50 +2 44
    11 Wolverhampton Wanderers 33 12 7 14 46 53 -7 43
    12 Fulham 34 12 6 16 50 54 -4 42
    13 AFC Bournemouth 33 11 9 13 48 60 -12 42
    14 Crystal Palace 33 9 9 15 42 56 -14 36
    15 Brentford 34 9 8 17 52 59 -7 35
    16 Everton 33 10 8 15 34 48 -14 30
    17 Nottingham Forest 34 7 9 18 42 60 -18 26
    18 Luton Town 34 6 7 21 47 75 -28 25
    19 Burnley 34 5 8 21 37 69 -32 23
    20 Sheffield United 33 3 7 23 31 88 -57 16
  • Sponsor by 88Bol