បរទេស៖ ក្រុមហង្សក្រហម Liverpool បានបង្ហាញរូបគេគឺមិនបានបោះបង់ការប្រជែងតំណែង TOP 4. នៅ ​Premier league ដើម្បីមានកៅអីលេង UEFA Champions League នារដូវកាលក្រោយឡើយ បើទោះបីជាពួកគេបង្ហាញទម្រង់លេងនៅដើមរដូវកាលមិនល្អយ៉ាងណាក្តី ។ ពីរគ្រាប់ពីសំណាក់ខ្សែប្រយុទ្ធ Curtis Jones និងម្ចាស់គ្រាប់ពីសំណាក់ខ្សែការពារស្តាំ Trent Alexander Arnold បានជួយឲ្យក្លឹប Liverpool ទទួលបានបីពិន្ទុយ៉ាងកក់ក្តៅលើក្រុម Leicester City នៅឯកីឡដ្ឋាន King Power ក្នុងការប្រកួត Premier league សប្តាហ៍ទី៣​​៦ ។ បច្ចុប្បន្នក្លឹប Liverpool កំពុងស្ថិតនៅចំណាត់ថ្នាក់លេខ៥ដោយមាន៦៥ពិន្ទុតាមពីក្រោយក្រុម Manchester United & Newcaslte United ដោយមាន ៦៦ពិន្ទុ និង៣៥ប្រកួត​ ។