(ប៉ាសេឡូណា)៖ ខ្សែបម្រើការពារក្លិប Barcelona FC កីឡាករ Sergio Busquets និងចាកចេញពីក្លិប នៅពេលចប់រដូវកាលនេះ បន្ទាប់ពីចំណាយពេល ១៨ឆ្នាំជាមួយក្លិប។ នេះបើតាមការប្រកាសពីក្លិប ហើយត្រូវបានចុះផ្សាយ ដោយសារព័ត៌មាន CNA នៅថ្ងៃទី១១ ខែឧសភា ឆ្នាំ២០២៣។ Busquets មានវ័យ ៣៤ឆ្នាំ បានចាប់ផ្តើមអាជីពជាយុវជនរបស់លោក នៅឯក្លិប Barcelona ក្នុងឆ្នាំ២០០៥ មុនពេលបង្ហាញខ្លួន ក្នុងក្រុមជម្រើសដំបូង ជាលើកដំបូង ក្នុងឆ្នាំ២០០៨។ អតីតកីឡាករអន្តរជាតិអេស្ប៉ាញរូបនេះ បានបំពេញតួនាទីជាប្រធានក្រុមរបស់ក្លិប អស់រយៈពេល ២រដូវកាលមុន ហើយបានក្លាយជាផ្នែកមួយដ៏សំខាន់របស់ក្រុម អស់រយៈពេលជាច្រើនឆ្នាំ។ លោកបានជួយឲ្យក្លិប Barcelona ឈ្នះពានរង្វាន់ LaLiga ចំនួន ៨គ្រឿង, ពានរង្វាន់ Copa del Rey ចំនួន៧គ្រឿង, ពានរង្វាន់ Champions League ចំនួន៣គ្រឿង និងពានរង្វាន់ Club World Cup ចំនួន ៣គ្រឿង, កីឡាករ Busquets បានចូលនិវត្តន៍ពីក្រុមជម្រើសជាតិអេស្ប៉ាញ កាលពីឆ្នាំមុននោះ បានបង្ហាញខ្លួនជិត ៧០០លើកសម្រាប់ក្លិប Barcelona៕
(អង់គ្លេស)៖ ខ្សែបម្រើ Enzo Fernandez របស់ក្រុមតោខៀវ Chelsea នឹងអវត្តមានពេញមួយរដូវកាលនេះ បន្ទាប់ពីបានទទួលការវះកាត់ដោយជោគជ័យលើបញ្ហាក្រលៀន។ កីឡាករអន្តរជាតិអាហ្សង់ទីនវ័យ ២៣ឆ្នាំ នឹងមិនមានវត្តមានសម្រាប់ការប្រកួតដែលនៅសេសសល់ចំនួន ៦ប្រកួត នៅ Premier League។អត្ថបទកំពុងចាប់អារម្មណ៍៖ ម្នាក់ជា២នាក់! Man Utd កំណត់បានអត្តសញ្ញាណខ្សែប្រយុទ្ធជួរមុខម្នាក់ទៀត ដែលមានវ័យត្រឹម ២០ឆ្នាំ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរបញ្ជាក់ដែរថា Enzo Fernandez អាចនឹងកំណត់គោលដៅត្រឡប់មកវិញ សម្រាប់ការប្រកួត Copa America ដែលចាប់ផ្តើមនៅថ្ងៃទី២០ ខែមិថុនា ខាងមុខ។ រំលឹកដែរថា Fernandez បានចូលរួមជាមួយ Chelsea ពីសំណាក់ Benfica ក្នុងតម្លៃផ្ទេរកំណត់ត្រាអង់គ្លេស ១០៧លានផោន នៅចុងឆ្នាំ ២០២៣។ ដោយឡែក ការផ្លាស់ប្តូរនេះបានកើតឡើង បន្ទាប់ពីគាត់ត្រូវបានដាក់ឈ្មោះជាកីឡាករវ័យក្មេងនៃការប្រកួតក្នុងអំឡុងពេលជ័យជំនះ World Cup ឆ្នាំ ២០២២ ជាមួយប្រទេសអាហ្សង់ទីន។ […]