ក្រុមអធិរាជស Real Madrid និង ត្រូវបើកទ្វារកីឡាដ្ឋាន Santiago Bernabeu ដើម្បីទទួលក្រុមមេឃខៀវ Man.City សម្រាប់ការប្រកួតពានរង្វាន់ Champion League វគ្គពាក់កណ្តាលផ្តាច់ព្រ័ត្រជើងទី១នៅវេលាម៉ោង២រំលងអធ្រាតឈានចូលថ្ងៃពុធស្អែកនេះ។
ម្ចាស់ផ្ទះReal Madridទើបតែគ្រងពាន Copa Del Rey ក្រោយផ្តួល Osasuna ខណៈពាន La Liga ហាក់របូតឆ្ងាយពីដៃទៅ ក្រុមBarcelona ទៅហើយនោះ។ដូច្នេះពានរង្វាន់ដ៏ធំរបស់អឺរ៉ុបមួយនេះគឺជាគោលដៅអាទិភាពមុនបញ្ចប់រដូវកាល២០២២-២០២៣នេះ។Real Madrid បានផ្តួល Chelsea និង Liverpool ដែលជាក្រុមអង់គ្លេស២ចុងក្រោយនៅទឹកដី Bernabeu នេះ។សម្រាប់ Man.City កំពុងសម្លឹងចង់ឈ្នះពាន៣នៅរដូវកាលនេះក្រោយនាំមុខតារាងនៅក្របខណ្ឌ EPL និង កក់កៅអីវគ្គផ្តាច់ព្រ័ត្រពានរង្វាន់ FA Cup ជាមួយ Man.Utd យ៉ាងណាម៉ិញក្រុមលោក Pep Guardiola ក្រោយទម្លាក់ Bayern Munich វគ្គ៨ក្រុមចុងក្រោយរួចមកពួកគេក៏ពិតជាចង់សងសឹក Real Madrid ដែលបានទម្លាក់ពួកគេកាលពីវគ្គពាក់កណ្តាលផ្តាច់ព្រ័ត្ររដូវកាលមុនផងដែរ។
លទ្ធផលជួបគ្នា៨លើកចុងក្រោយ Real Madrid ឈ្នះ៣ ខណៈ Man.City ឈ្នះ៣ និង ស្មើ២។
១.៦ប្រកួតចុងក្រោយនៅក្របខណ្ឌChampion League សម្រាប់ Real Madrid គឺចាញ់១និងឈ្នះ៥ ខណៈMan.City ឈ្នះ៣ និង ស្មើ៣។
២.ជម្រើស១១នាក់ដំបូងសម្រាប់ Real Madrid អាចនិងចូលលេង
Courtois; Carvajal, Rudiger, Alaba, Camavinga; Valverde, Kroos, Modric; Rodrygo, Benzema, Vinicius Jr
(ទម្រង់លេងអាចនិងយកមកប្រើប្រាស់ ៤-៣-៣)
៣.ជម្រើស១១នាក់ដំបូងសម្រាប់ Man.City
Ederson; Walker, Dias, Akanji; Stones, Rodri; Silva, De Bruyne, Gundogan, Grealish; Haaland
(ទម្រង់លេងអាចនិងយកមកប្រើប្រាស់ ៣-៤-២-១)
៤.លទ្ធផលទស្សន័ទាយសម្រាប់គូទាំងពីរនេះគឺ Real Madrid ២:២ Man.City
ប្រភព:sportsmole &whoscored
