(ភ្នំពេញ)៖ ក្រុមបាល់ទះជម្រើសជាតិកម្ពុជា បានបញ្ចប់ការប្រកួតវគ្គផ្ដាច់ព្រ័ត្រហើយ ដោយទទួលបានមេដាយប្រាក់ ក្រោយចាញ់ក្រុមឥណ្ឌូនេស៊ី ដោយលទ្ធផល ៣-០ (សិត) ជាមួយពិន្ទុ ២៥-២១, ២៥-១០ និង ២៥-១៥ មុននេះបន្ដិច នៃព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ នៅវិមានពហុកីឡដ្ឋានជាតិអូឡាំពិក រាជធានីភ្នំពេញ ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទោះបីទទួលបានមេដាយប្រាក់ តែគឺជាកំណត់ត្រាថ្មីមួយទៀត ដែលក្រុមបាល់ទះកម្ពុជា ផ្នែកបុរសក្នុងសាល សម្រេចបានក្នុងព្រឹត្តិការណ៍កីឡាប្រចាំតំបន់នេះ ដ្បិតកាលពីស៊ីហ្គេម លើកទី៣១ នៅវៀតណាម កម្ពុជា ទទួលបានមេដាយលើកដំបូង ត្រឹមមេដាយសំរឹទ្ធប៉ុណ្ណោះ ។ រីឯក្រុមឥណ្ឌូនេស៊ី បានការពារតំណែងមេដាយមាសជាថ្មី ស្របពេលក្រុមថៃ បានទទួលមេដាយសំរឹទ្ធ ក្រោយយកឈ្នះវៀតណាម ៣-០ (សិត) ។