បរទេស៖ គ្រាប់បាល់ចុងម៉ោងពី Marcus Rashford និង Alejandro Garnacho បានជួយឲ្យក្លឹបបិសាចក្រហម Manchester United ទទួលបានជ័យជម្នះលើក្រុម Leeds United ដោយលទ្ធផល 2-0 ក្រោយពី Garnacho ត្រូវបានអ្នកគាំទ្រជាច្រើនបានរឹះគន់រូបគេជាខ្លាំងពីប៉ះគ្នាលើកមុន ដោយសារតែបង្ហាញទម្រង់លេងមិនបានល្អ។ ៤ថ្ងៃបន្ទាប់ពីការប៉ះគ្នាដោយបញ្ចប់ទៅដោយលទ្ធផល 2-2 នៅ Old Trafford។

ការប្រកួតរវាងក្រុមទាំង២ត្រូវបានគេសង្កេតឃើញថាមានការប៉ះទង្គិចគ្នាច្រើន ប៉ុន្តែក្រោយពីនៅសល់១៥នាទីមុនបញ្ចប់ការប្រកួតក្លឹប Manchester United បែរជាចាប់ផ្តើមដាក់សម្ពាធលើ Leeds ខ្លាំងរហូតធ្វើឲ្យមានគ្រាប់បាល់កើតឡើង។ យ៉ាងណាមិញគិតមកទល់នឹងពេលនេះក្លឹប Man Utd បន្តឈរលើលេខ៣ ខណៈ Man City ក្រុមលេខ២ នឹងត្រូវប៉ះក្រុមកំពូលតារាង Arsenal នៅពាក់កណ្តាល់សប្តាហ៍។