ក្រុមតោខៀវ Chelsea បានត្រៀមខ្លួនរួចរាល់ក្នុងការបង់ថ្លៃប្រាក់ឈ្នួលប្រចាំសប្តាហ៏ចំនួន១៦,០០០០ផោន សម្រាប់ Pierre-Emerick Aubameyang នៅពេលសាម៉ីខ្លួនត្រៀមផ្លាស់ទៅលេងនៅលីកំពូលសហរដ្ឋអាមេរិកជាមួយក្លឹប Los Angeles FC ក្នុងលក្ខណ្ឌខ្ចីជើង ។
គួរបញ្ជាក់ថាខ្សែប្រយុទ្ធអន្តរជាតិហ្គាបុងបានផ្លាស់ពីBarcelonaមក Chelsea កាលពីដើមរដូវកាលប៉ុន្តែពេលវេលាចូលលេងរបស់គាត់នៅ Stamford Bridge ហាក់ឈានជិតដល់ទីបញ្ចប់ហើយ។
Aubameyangកាន់តែខើចឪកាសចូលលេងក្រោយការមកដល់របស់កីឡាករចំណូលថ្មី Mykhaylo Mudryk, Noni Madueke, David Datro Fofana និង Joao Felix ជារួមទៅគឺរូបគេចូលលេងបាន៤ដងប៉ុណ្ណោះនៅក្របខណ្ឌ Premier League ក្រោមការដឹកនាំរបស់ Graham Potter។
បច្ចុប្បន្ន LAFC គឺជាម្ចាស់ជើងឯក MLS Cup ប៉ុន្តែបន្ទាប់ពីការចូលនិវត្តន៍របស់ Gareth Bale ពួកគេកំពុងស្វែងរកការពង្រឹងខ្សែប្រយុទ្ធរបស់ពួកគេស្របពេលកិច្ចព្រមព្រៀងខ្ចីជើង ត្រូវបានស្នើជាមួយសុពលភាព រហូតដល់ខែកក្កដា ស្របពេល Aubameyang ក៏គ្រោងនឹងចាកចេញពី Chelsea ជាអចិន្ត្រៃយ៍ទោះបីជាមានកិច្ចសន្យារហូតដល់ឆ្នាំ ២០២៤ ក៏ដោយ។
គុនខ្មែរ៖ អ្នកគាំទ្រប្រដាល់គុនខ្មែរហាក់បីបង្ហាញអារម្មណ៍ខកចិត្តជាមួយនឹងអ្នកប្រដាល់កាណាដា ដែលវាយតំណាងឲ្យប្រទេសមីយ៉ាន់ម៉ា ដែលរូបគេបង្ហោះនូវរូបភាពមួយដែលមានខ្លឺមសារថា រូបគេគឺជាស្តេចប្រដាល់នៃប្រទេសកម្ពុជា និងមីយ៉ាន់ម៉ា ខណៈរូបគេហាក់បីមិនផ្តល់តម្លៃឲ្យអ្នកប្រដាល់ ធឿន ធារ៉ា ដែលអ្នកគាំទ្រប្រដាល់គុនខ្មែរកំពុងស្រឡាញ់ពេញចិត្តនឹងទម្រង់វាយរបស់អ្នកប្រដាល់រូបនេះជាខ្លាំង។អត្ថបទកំពុងចាប់អារម្មណ៍៖ អ្នកគាំទ្រគុនខ្មែរហាក់មានការខកចិត្ត ក្រោយដាវ បង្ហោះសារមួយនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ដាវ ដែលមានឈ្មោះពេញថា Dave Leduc បានបង្ហោះនូវរូបភាពមួយដែលបង្ហាញរូបគេអង្គុយនៅលើកៅអី ដែលមានទង់ជាតិ កម្ពុជា និងមីយ៉ាន់ ជាមួយនឹងសញ្ញាធំជាង «>» កីឡាករកម្ពុជា ព្រំ សំណាង និង ធឿន ធារ៉ា បូករួមជាមួយនឹងពាក្យថា៖ «ខ្ញុំបានចូលនិវត្តន៍ជាស្តេចឡេតវេ និងជាស្តេចគុនខ្មែរ នេះជាគណិតវិទ្យាសាមញ្ញ៖ខ្ញុំវាយឈ្នះព្រំ សំណាង ហើយសំណាងវាយឈ្នះធឿន ធារ៉ា។ ដាវ > សំណាង > ធារ៉ា = ដាវ ខ្ញុំជាស្តេចប្រដាល់ប្រចាំអាស៊ីអាគ្នេយ៍»។ មិនត្រឹមតែប៉ុណ្ណោះរូបគេក៏បានប្រកែកជាមួយនឹងអ្នកគាំទ្រដែលបាន Comment មិនពេញចិត្តនឹងការបញ្ចេញមតិរបស់កីឡាកររូបនេះថែមទៀតផង៕
