បរទេស៖ Manchester City អាចនឹងប្រឈមនឹងការកាត់ចេញពីក្របខណ្ឌ បន្ទាប់ពីពួកគេត្រូវបាន Premier League សម្រេចដាក់ការចោទប្រកាន់ពីបទរំលោភបំពានលើច្បាប់ជាច្រើនករណី។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
បន្ទាប់ពីការស៊ើបអង្កេតរយៈពេល 4 ឆ្នាំដោយ Premier League ពួកគេបានបញ្ជូនក្លឹបទៅគណៈកម្មការឯករាជ្យមួយសម្រាប់ការចោទប្រកាន់ថាបានរំលោភលើបទប្បញ្ញត្តិហិរញ្ញវត្ថុរវាងពីឆ្នាំ 2009 និង 2018 ។
ក្របខ័ណ្ឌ Premier League បានចេញសេចក្តីថ្លែងការណ៍មួយថា Man City បានបំពានច្បាប់ដែលតម្រូវឱ្យពួកគេបញ្ចេញ “ព័ត៌មានហិរញ្ញវត្ថុត្រឹមត្រូវដែលផ្តល់នូវទិដ្ឋភាពពិត និងយុត្តិធម៌នៃស្ថានភាពហិរញ្ញវត្ថុរបស់ក្លឹប” ។
ក្នុងចំណោមការចោទប្រកាន់នេះ Man City ត្រូវបានចោទប្រកាន់ពីបទបំពានច្បាប់ Premier League ស្តីពីប្រាក់ចំណេញ និងនិរន្តរភាពក្នុងរយៈពេលបីរដូវកាលចាប់ពីឆ្នាំ 2015-16 ដល់រដូវកាល 2017-18 ។
ជាការឆ្លើយតប Man City បានចេញសេចក្តីថ្លែងការណ៍ពួកគេ ដោយបង្ហាញថា ពួកគេមានការភ្ញាក់ផ្អើលចំពោះការរំលោភបំពានហិរញ្ញវត្ថុដែលត្រូវបានចោទប្រកាន់។
យោងតាមសារព័ត៌មាន The Telegraph បានឱ្យដឹងថា Man City អាចប្រឈមមុខនឹងការពិន័យជាច្រើន រួមទាំងការកាត់ចេញពី Premier League ផងដែរ។ របាយការណ៍ក៏បានអះអាងផងដែរថា Premier League មានសិទ្ធិដកហូតពានរង្វាន់លីករបស់ក្លឹបពួកគេ និងការកាត់ពិន្ទុជាដើម។
