បរទេស៖ ក្លឹបបាល់ទាត់បិសាចក្រហម Manchester United របស់លោក Erik Ten Hag បានយកឈ្នះក្លឹប Crystal Palace ដោយលទ្ធផល ២-១ នៅក្នុងក្របខណ្ឌ English Premier league ប៉ុន្តែរឿងដែលខកចិត្តនោះគឺពួកគេត្រូវបានបាត់ខ្សែបម្រើឆ្នើមដ៏សំខាន់គឺ Casemiro ដោយបានទទួលរងកាតក្រហម។

ក្លឹប Man United បានធ្វើការនាំមុខក្រុម Crystal មុនដោយកីឡាករ Bruno Fernandes ពីការទាត់ប៉េណាល់ទី នៅនាទី ០៥ និងក្រោយមកនៅដើមតង់ទី២ ខ្សែប្រយុទ្ធឆ្នើមរបស់ Man Utd គឺ Marcus Rashford អាចទាត់បានមួយគ្រាប់ ដោយលេងសហការជាក្រុមបានយ​៉ាងល្អ​ ប៉ុន្តែក្រោយមកខ្សែបម្រើឆ្នើមរបស់ពួកគេគឺ Casemiro បានទទួលកាតក្រហមបន្ទាប់ពីមានការប៉ះទង្គិតគ្នារវាងកីឡាករពីក្រុមទាំងសងខាង ដោយអាជ្ញាបានឆែក VAR ទៅបានបង្ហាញថា Casemiro បានដាក់ដៃច្របាច់កទៅលើកីឡាកររបស់ Crystal គឺ Will Hughes។ បន្ទាប់ពីបាត់បង់សមាជិកម្នាក់បានធ្វើក្រុម Crystal Palace ហាក់ពីជាមានប្រៀបជាងលើក្រុម Man Utd ដោយពួកគេបានព្យាយាមសម្រុករហូតទាល់តែអាចរកបានមួយគ្រាប់វិញ ប៉ុន្តែយ៉ាងណាមិញ Man Utd បានបិទរហូតទាល់ចប់ការប្រកួត ដែលចុងក្រោយ Man Utd នៅតែអាចយកជ័យជម្នះលើការប្រកួតមួយនេះ។