បរទេស៖ គ្រូបង្វឹកក្លឹប Barcelona បានបង្ហើបយ៉ាងច្បាស់ថា គាត់បើកចំហជានិច្ចសម្រាប់ឱកាសដែល Lionel Messi ចង់វិលត្រលប់មកកាន់ក្លឹបយក្សនៅក្នុងទីក្រុម Barcelona វិញ។ វីរបុរសរបស់ អាហ្សង់ទីន រូបនេះបានចាប់ផ្តើមអាជីពដំបូងចេញពីថ្នាល់យុវជនរបស់ក្លឹប Barcelona នឹងបានចាកចេញពីកាលពីឆ្នាំ២០២១ទៅកាន់ក្លឹប PSG។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

យ៉ាងណាមិញកុងត្រាបច្ចុប្បន្នរបស់ Messi ជាមួយនឹង PSG នឹងត្រូវផុតសុពលភាពនៅពេលដាច់ត្រូវកាលនេះហើយ ខណៈការចរចារលើកុងត្រាថ្មីជាមួយនឹង PSG អាចនឹងមានភាគរយខ្ពស់ ប៉ុន្តែមិនទាន់មានព័ត៍មានជាផ្លូវការណ៍នៅឡើយ។

នៅពេលដែលត្រូវអ្នកកាសែតសាកសួរ Xavi ជុំវិញការវិលត្រលប់មកវិញរបស់ Messi គាត់បានឆ្លើយតបថា: “ហេតុអីមិនអាចទៅរួច, ប៉ុន្តែវាត្រូវសម្រេចលើគាត់។ តើគាត់ចង់បានអ្វី ហើយគាត់មានអារម្មណ៍បែបណា។ ប្រាកដណាស់ Barcelona តែងតែជាផ្ទះរបស់ Messi។ ហើយទ្វារតែងតែបើកសម្រាប់គាត់ជានិច្ច»។