ប្រធានក្លឹប Benfica លោក Rui Costa បានចែករំលែកពីចំណាប់អារម្មណ៏យល់ឃើញរបស់ខ្លួនបន្ទាប់ពីកីឡាករឆ្នើមវ័យ២២ឆ្នាំ Enzo Fernandez ចាកចេញពីក្លឹបយក្សព័រទុយហ្គាល់ Benfica ។

អតីតខ្សែបម្រើក្រុមAC.Milan បានលើកឡើងយ៉ាងដូច្នេះថាៈ Enzo Fernández មិនចង់នៅ Benfica ទេ។ គាត់មិនបានបង្ហាញចេតនាផ្តល់ឱកាសបន្តលេងឲ្យយើងបានទៀតទេ។ខ្ញុំខំអស់ពីសមត្ថភាពដើម្បីបញ្ចុះបញ្ចូលគាត់ ខ្ញុំសោកស្ដាយ ប៉ុន្តែខ្ញុំមិនយំចំពោះកីឡាករដែលមិនចង់នៅឡើយ។ នៅពេលដែល Chelsea បានដាក់សំណើរមកដល់ វាពិតជាមិនអាចទៅរួចទេក្នុងការផ្លាស់ប្តូរចិត្តរបស់គាត់។

Costa បានប្រឹងប្រែងអស់ពីសមត្ថភាពដើម្បីរក្សា Enzo នៅ Benfica ប៉ុន្តែការខិតខំប្រឹងប្រែងរបស់គាត់នៅទីបំផុតមានន័យថាការខិតខំប្រឹងប្រែងដែលឥតប្រយោជន៍ខណៈសមាជិកជ័យលាភីWorld Cup ២០២២របស់ក្រុមជម្រើសជាតិអាហ្សង់ទីនបានបញ្ចប់ការផ្ទេរទៅកាន់កីឡាដ្ឋានStamford Bridge ក្នុងតម្លៃកំនត់ត្រាថ្លៃបំផុតក្នុងប្រវត្តិសាស្រ្តលីកកំពូលអង់គ្លេសគឺប្រមាណ១០៧,៩លានផោន។