Joao Cancelo បានបង្ហាញសមត្ថភាពបង្កើតឪកាសបញ្ចប់ទីភ្លាមៗក្រោយចូលលេងលើកលើកដំបូងរបស់ Bayern Munich ខណៈដែលពួកគេបានឈានទៅវគ្គ ៨ក្រុមចុងក្រោយនៃពានរង្វាន់ German Cup (DFB-Pokal)ជាមួយនឹងជ័យជម្នះក្នុងលទ្ធផល ៤ទល់និង០ លើក្រុមម្ចាស់ផ្ទះ Mainz ។ខ្សែការពារដែលមានសមត្ថភាពលេងនៅស្លាបខាងឆ្វេង និង ស្តាំសញ្ជាតិព័រទុយហ្គាល់ដែលបានចូលរួមជាមួយ Manchester City ក្នុងលក្ខខ័ណ្ឌខ្ចីជើងកាលពីថ្ងៃអង្គារបានបញ្ជូនបាល់ឱ្យកីឡាករ Eric Maxim Choupo-Moting បើកឆាកនៅនាទីទី១៧ ។

ក្រុមម្ចាស់ផ្ទះបានបាត់បង់កីឡាករ Alexander Hack នៅនាទីទី៨៦ពោលគឺក្រោយពីBayern Munich នាំមុខបណ្តោះអាសន្ន៤ទល់និង០ ក្រោយពីបង្កកំហុលើកីឡាករ Musiala ប៉ុន្មាននាទីប៉ុណ្ណោះបន្ទាប់ពីអ្នកចាត់ការ Bo Svensson ត្រូវបានបណ្ដេញចេញដូចគ្នា។ មានន័យថាBayern Munich បានបញ្ចប់លទ្ធផលស្មើគ្នា៣លើកជាប់គ្នាចុងក្រោយនិងជាជ័យ ជំនះលើកដំបូងសម្រាប់ពួកគេនៅឆ្នាំ២០២៣នេះ។

Cancelo វ័យ ២៨ ឆ្នាំបានដើរតួយ៉ាងសំខាន់ជួយអោយក្រុមលោកPep Guadiola លើកពាន Premier League ២រដូវកាលចុងក្រោយ។ទោះយ៉ាងណាអតីតកីឡាករBayern Munich មិនបានក្លាយជាទីពេញចិត្តសម្រាប់អ្នកចាត់ការសញ្ជាតិអេស្បាញនៅរដូវកាលនេះដោយត្រូវក្លឹបមេឃខៀវ Man.City អនុញ្ញាតិអោយក្រុមការពារតំណែងជើងឯកBundesliga ខ្ចីជើង ជាមួយជម្រើសទិញផ្តាច់ជាអចិន្ត្រៃយ៍នូវទឹកប្រាក់៦១,៥លានផោននៅបញ្ចប់រដូវកាលនេះ។