បរទេស៖ កំពូលខ្សែប្រយុទ្ធ Lionel Messi បានឈ្នះពានរង្វាន់កីឡាករល្អបំផុតរបស់ FIFA ផ្នែកបុរសដោយបានផ្តួលគូប្រជែងដ៏កៀកកិតនោះគឺ Karim Benzema ខណៈខ្សែប្រយុទ្ធឆ្នើមអន្តរជាតិបារាំង Kylian Mbappe ក៏ជាប់ចំណាត់ថ្នាក់លេខ ៣ ក្នុងព្រឹត្តការណ៏នេះផងដែរ។
គួរបញ្ជាក់ថាពានរង្វាន់កិត្តិយសផ្ទាល់ខ្លួនមួយនេះត្រូវបានផ្តល់ទៅឱ្យកីឡាករបាល់ទាត់ដែលធ្វើបានល្អបំផុតគិតចាប់ពីខែកញ្ញា ឆ្នាំ ២០២១ ដល់ខែធ្នូ ឆ្នាំ២០២២ ខណៈការវាយតម្លៃនិងត្រូវយកមកដាក់ពិន្ទុសរុបដោយផ្អែកលើទម្រង់លេងឥរិយាបទរបស់កីឡាករ នៅលើទីលាន និង ក្រៅទីលាន ។ មានន័យថាការបោះឆ្នោតត្រូវបានឆ្លងកាត់ដោយសម្រេចពី តំណាងប្រព័ន្ធផ្សព្វផ្សាយ គ្រូបង្វឹកក្រុមជម្រើសជាតិ និងប្រធានក្រុមជម្រើសជាតិផងដែរ។ ក្រៅពីMessi កីឡាករអ្នកចាំទីក្រុមAston Villa គឺ Emiliano Martinez ក៏បានជាប់ជាកីឡាករអ្នកចាំទីល្អបំផុត ខណៈគ្រូបង្វឹកក្រុមជម្រើស ជាតិអាហ្សង់ទីនលោក Lionel Scaloni ក៏បានជាប់ជាគ្រូបង្វឹកល្អបំផុតដោយផ្តួលលោក Carlo Ancelloti ដែលជាអ្នកដឹកនាំ Real Madrid ។
