ប្រធានក្លឹប PSG លោក Nasser Al-Khelaifi នៅតែបារម្ភពីការចាកចេញរបស់ខ្សែប្រយុទ្ធឆ្នើម Kylian Mbappe ស្របពេលពាក្យចចាមអារ៉ាមមិនទានផ្លូវការណ៏នៅតែបន្តកើតមានសម្រាប់ការផ្លាស់ទៅកាន់ក្រុមអធិរាចស Real Madrid។ប្រភពពី El Nacional បានបញ្ជាក់ថា ផែនការដំបូងគឺ លក់Neymar និងការចាកចេញរបស់ Leo Messi ទោះយ៉ាងណា ប្រធានក្លឹប រូបនេះ កំពុងត្រៀម ចង់ធ្វើរឿង៤ចំនុចនេះអោយបានជោគជ័យដើម្បីចងចិត្តលោកប្អូន Mbappe កុំអោយចាកទៅកាន់ទឺកដីSantiago Bernabeu បាន។

ជំហ៊ានទី១ និងទីពីរ:គឺពួកគេកំពុងសម្លឹងរកកីឡាករដើម្បីជំនួស Neymar និង Messi ខណៈក្រុមមានគោលដៅនាំយកកីឡាករ អន្តរជាតិបារាំង គឺខ្សែប្រយុទ្ធស្លាប Marcus Thuram របស់ក្រុម Mochengladbach និងខ្សែប្រយុទ្ធបារាំងម្នាក់ទៀតពី Frankfurt កីឡាករ Randal Kolo Muani ខណៈពួកគេកំពុងបង្ហាញទម្រង់លេងលេចធ្លោនៅក្របខ័ណ្ឌ Bundesliga និងព្រឹត្តិការណ៏ World Cup ជាមួយក្រុមមាន់គកបារាំង។

ជំហ៊ានទីបី PSG ក៏កំពុងតាមដានយ៉ាងយកចិត្តទុកដាក់ខ្សែបម្រើបារាំងម្នាក់ទៀតគឺ Manu Kone ដែលកំពុងលេងអោយ Mönchengladbach ដូចគ្នា។ ហើយជំហ៊ានទី៤ចុងក្រោយ.ការចុះហត្ថលេខាដ៏សំខាន់ចុងក្រោយដែលត្រូវតែធ្វើដោយខានមិនបាននោះគឺ Zinedine Zidane ដែលMbappe យល់ថានិងអាចធ្វើអោយរូបគេមានបច្ចេកទេសលេងរីកចម្រើនស្របពេលគ្រូបង្វឹកបច្ចុប្បន្នលោក Christophe Galtier កំពុងស្ថិតក្នុងការតាមដាន និង វាយតម្លៃ បន្ទាប់ពី Mbappe មិនសប្បាយចិត្តនឹងទម្រង់ដឹកនាំរបស់គាត់។