Man. United ចាប់អារម្មណ៏ក្នុងការចុះហត្ថលេខាខ្សែប្រយុទ្ធ Real Betisកីឡាករ Borja Iglesias ដែលកំពុងលេងនៅលីគកំពូលអេស្បាញ។ ទោះយ៉ាងណាក្រុមជើងឯកអង់គ្លេស២០សម័យត្រូវប្រឈមការប្រកួតប្រជែងពីសំណាក់ក្លឹប Everton Fulham, Brentford, និង Brighton ដែលជាក្លឹបរួមលីករបស់ខ្លួនផងដែរ។Borjaខ្សែប្រយុទ្ធជើងចាស់សញ្ជាតិអេស្បាញរូបនេះបានបង្ហាញទម្រង់លេងល្អសម្រាប់ក្រុម Betis ដោយស៊ុតបញ្ចូលទីបាន ៨ គ្រាប់ក្នុង ១៦ប្រកួតនៅL Liga ហើយបានបញ្ចប់រដូវកាលចាស់ដោយរកបាន១៩ គ្រាប់ក្នុងការបង្ហាញខ្លួនគ្រប់ការប្រកួតចំនួន៥១លើក។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ទោះយ៉ាងណា ក្រោយពីការចាកចេញរបស់Cristaino Ronaldo កាលពីខែវិច្ឆិកាក្រុមលោក Erik ten Hag នៅតែមានបំណងចង់ ពង្រឹងតំបន់ប្រយុទ្ធរបស់ខ្លួនបន្ថែមទៀត បើទោះបីជាទើបតែបញ្ចប់ការខ្ចីជើង Wout Weghorst មកកាន់ទឹកដី Old Trafford ពី Burnley ស្របពេលAnthony Martial នៅតែបន្តញាំញីដោយសាររបួស។
បើទោះបីជាឈានចូលដល់វ័យ៣០ឆ្នាំប៉ុន្តែ Real Betis ក៏ត្រៀមដាក់លក់ខ្សែប្រយុទ្ធជួរមុខរបស់ពួកគេប្រមាណជា៤០លានយូរ៉ូឯណោះ ។ដូច្នេះMan.Utdក៏និងពិចារណាលើវ័យរបស់Borja ស្របពេលដែលរូបគេនៅតែបង្ហាញសមត្ថភាពជាបន្តបន្ទាប់ថាគាត់អាចរកគ្រាប់បាល់បាននិងជាជម្រើសដ៏មានប្រយោជន៍សម្រាប់ដោះស្រាយបញ្ហាតំបន់ប្រយុទ្ធរបស់ក្រុមនៅពេលបច្ចុប្បន្ននេះ។
