អតីតប្រធានក្រុម Man. City កីឡាករ Ilkay Gundogan បានបង្ហាញខ្លួនចូលលេងជាលើកដំបូងនៅលីកកំពូលអេស្បាញអោយក្រុមភ្ញៀវ Barcelona ខណៈក្រុមការពារតំណែងជើងឯកមិនអាចផ្តួលម្ចាស់ផ្ទះ Getafe ក្នុងការប្រកួតបើកឆាករបស់ពួកគេក្នុងលទ្ធផលស្មើគ្នា ០ ទល់និង ០។
កីឡាករអន្តរជាតិអាល្លឺម៉ង់វ័យ ៣២ ឆ្នាំបានចូលរួមជាមួយក្លឹបយក្សអេស្ប៉ាញនៅរដូវក្តៅក្រោយកិច្ចសន្យារបស់ខ្លួនអស់សុពលភាពនៅទឹកដី Etihad បន្ទាប់ពីជួយអោយពួកគេឈ្នះពាន៣កាលពីរដូវកាលចាស់។
Barcelona នៅសល់អ្នកលេងតែ១០នាក់បន្ទាប់ពីបាត់បង់ខ្សែបម្រើ Raphinha ក្រោយអតីតកីឡាករ Leeds ត្រូវបានបណ្ដេញចេញមុនបញ្ចប់តង់ទី១ ក្រោយបង្កកំហុសដាក់ Gaston Alvarez របស់ Getafe។ទោះយ៉ាងណាក្រុមម្ចាស់ផ្ទះបាត់បង់កីឡាករ Jaime Mata ត្រូវអាជ្ញាកណ្តាលបណ្តេញចេញក្រោយទទួលកាតលឿងជាលើកទីពីរនៅតង់ទី២មុនពេលគ្រូបង្វឹក Xavi ត្រូវបានបណ្តេញចេញនៅពាក់កណ្តាលតង់ទី ២ ក្រោយរត់ទៅជជែកតវ៉ាប្រឆាំងនឹងការសម្រេចចិត្តដោយអាជ្ញាកណ្តាលជាមួយជំនួយការអាជ្ញាកណ្តាល បន្ទាប់ពីខ្សែការពារ Getafe ធ្វើអោយកីឡាករ Abde Ezzalzouli ដួលជិតប្រអប់តែមិនបានទទួលការពិន័យ។ជិតបញ្ចប់ការប្រកួតBarcelona ក៍សង្ឃឹមថានិងទទួលបានបាល់ពិន័យបន្ទាប់ពីអាជ្ញាកណ្តាលបានពិនិត្យVAR កំហុសរបស់ខ្សែការពារ Getafe ចំពោះកំហុសលើ Gavi និង Ronald Araujo ប៉ុន្តែមិនត្រូវបានផ្តល់ជូននោះឡើយ។
ប្រភព:BBC
វីដេអូ:
