អ្នកចាត់ការក្រុមហង្សក្រហម Liverpool លោក Jurgen Klopp បានលើកឡើងថាៈវាមិនមានផលប្រយោជន៍អ្វីទាល់តែសោះនៅពេលទីផ្សារដោះដូរកីឡាករបន្តបើករហូតជិតបីសប្តាហ៍នៅលីគកំពូលមជ្ឈឹមបូព៌ាប្រទេសអារ៉ាប៊ីសាអូឌីតដែលនៅយូរជាងទីផ្សារនៅលីគកំពូលទ្វីបអឺរ៉ុបបានបិទទៅហើយនោះ។មានន័យថាថ្ងៃផុតកំណត់នៃការផ្ទេរក្នុងលីគកំពូលរបស់អឺរ៉ុបគឺនៅថ្ងៃទី ១ ខែកញ្ញា ខណៈដែលអារ៉ាប៊ីសាអូឌីតដំណើរការរហូតដល់ថ្ងៃទី ២០ខែកញ្ញាឯណោះដូច្នេះក្លឹបបាល់ទាត់របស់ប្រទេសដែលមានប្រាក់ចំណូលខ្ពស់មួយផ្នែកធំបានមកពីការផ្តត់ផ្គង់ប្រេងទៅពិភពលោកនោះនៅតែអាចចុះហត្ថលេខានាំយកកីឡាករឆ្នើមៗដែលមានកេរ្តិ៍ឈ្មោះរបស់ពួកគេនៅរដូវក្តៅនេះបាន។
គ្រូបង្វឹកសញ្ជាតិអាឡឺម៉ង់បានបញ្ចេញប្រតិកម្មយ៉ាងដូច្នេះថាៈឥទ្ធិពលរបស់លីកកំពូលអារ៉ាប៊ីសាអូឌីតថាគឺធំណាស់ក្នុងពេលនេះ។អ្វីដែលអាក្រក់បំផុតដែលខ្ញុំគិតថាទីផ្សារដោះដូរកីឡាករនៅអារ៉ាប៊ីសាអូឌីត បើករយៈពេលបីសប្តាហ៍ទៀត។UEFA ឬ FIFA ត្រូវតែស្វែងរកដំណោះស្រាយសម្រាប់រឿងនោះ។ ប៉ុន្តែនៅទីបំផុតនៅពេលនេះ ខ្ញុំមិនដឹងថានឹងមានអ្វីកើតឡើងនោះទេ។
ការពីតLiverpool បានរងផលប៉ះពាល់រួចហើយដោយសារកីឡាករមួយចំនួនសម្រេចផ្លាស់ទៅអារ៉ាប៊ីសាអូឌីត រួមមានខ្សែបម្រើ Jordan Henderson និង Fabinho ដែលបានចូលរួមជាមួយ Al-Ettifaq និង Al-Ittihad ជាមួយប្រាក់ឈ្នួលដ៍ក្រាស់ក្រែលរបស់ពួកគេ ។ជាមួយគ្នានោះដែរ James Milner, Alex Oxlade-Chamberlain និង Naby Keita និងចាកចេញពីក្លឹបនៅចុងបញ្ចប់នៃកិច្ចសន្យារបស់ពួកគេ។ដូច្នេះក្រុមត្រូវបាត់បង់កីឡាករខ្សែបម្រើប្រាំនាក់ជាអចិន្ត្រៃយ៍នៅរដូវក្តៅនេះ។
ប្រភព:BBC
(បារាំង)៖ ក្លឹបយក្សបារាំង Paris Saint-Germain កំពុងមានផែនការទី២ រួចជាស្រេច ប្រសិន Kylian Mbappe នៅតែបន្តចង់ចាកចេញពីទឹកដីបារាំងនោះ។ ទន្ទឹមនឹងនេះ ក្រុមរបស់លោក Luis Enrique នឹងបង្កើនការតាមប្រមាញ់លើខ្សែបម្រើស្លាបរបស់ Khvicha Kvaratskhelia របស់ក្លឹបនៅអ៊ីតាលី Napoli ដែលមានតម្លៃខ្លួនផ្ទេរថ្លៃគួរសមប្រមាណ ១២០លានអឺរ៉ូ ឬស្មើនឹង ១០៣លានផោន។អត្ថបទកំពុងចាប់អារម្មណ៍៖ អីយ៉ា! PSG ត្រៀមលុយធំសម្បើម ១២០លានអឺរ៉ូ ដើម្បីទិញកីឡាករជំនួស Mbappe ម្នាក់នេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរកត់សម្គាល់ថា Mbappe ត្រូវបានផ្សារភ្ជាប់យ៉ាងខ្លាំងទៅនឹងការចាកចេញពី PSG ហើយផ្លាស់កាន់ក្រុមអធិរាជស Real Madrid នៅខែមិថុនាខាងមុខ។ ដោយឡែក គ្រូបង្វឹក PSG លោក Enrique បានកោតសរសើរដល់ Kvaratskhelia ហើយចាត់ទុកថាកីឡាករអន្តរជាតិ Georgia គឺជាកីឡាករដ៏ល្អបំផុតមួយរូបក្នុងយកមកពង្រឹងក្រុម មុនពេលយុទ្ធនាការថ្មីមកដល់។ […]