បរទេស៖ អតីតអ្នកចាត់ការក្រុម Manchester United និង FC Barcelona លោក Louis van Gaal ធ្លាប់បានចែករំលែកទស្សនៈរបស់គាត់លើការជជែកដេញដោលគ្នាដែលមិនចេះចប់រវាង Cristiano Ronaldo និង Lionel Messi តើនរណាជា GOAT ។ ថ្លែងពីកីឡាករជើងខ្លាំងទាំងពីរ អតីតគ្រូបង្វឹកសញ្ជាតិហូឡង់បានសរសើរតារាឆ្នើមទាំងពីររូបជាកីឡាករល្អបំផុតក្នុងសម័យកាលរបស់ពួកគេ ប៉ុន្តែគាត់ចង់មាន Ronaldo នៅក្នុងក្រុមខ្លួនជាង Messi។
លោក Van Gaal បានប្រាប់ Onda Cero៖ «Messi ឬ Cristiano? កីឡាករល្អបំផុតក្នុងសម័យនេះគឺ Messi និង Cristiano Ronaldo ។ ការជ្រើសរើសរវាងពួកគេគឺពិបាក។ Ronaldo មានលទ្ធផលច្រើនជាង Messi លើពានរង្វាន់ផ្សេងៗ។ Messi មានរង្វាន់បុគ្គលច្រើនជាង ប៉ុន្តែ Ronaldo ជាកីឡាករលេងជាក្រុម។ ដូច្នេះការជ្រើសរើស ក្នុងនាមខ្ញុំជាគ្រូបង្វឹកគឺចង់បានកីឡាករជាក្រុមច្រើនជាងកីឡាករលេងបែបឯកជនភាព។ Messi អាចជាកីឡាករបាល់ទាត់ល្អបំផុត ប៉ុន្តែអ្នកត្រូវតែលេងជាក្រុម»៕
Barcelona បន្តទម្រង់ដ៏អស្ចារ្យទល់នឹងក្រុម Girona ក្នុងជ័យជម្នះ ៤-១ នឹងបន្តកម្លាត៣ពិន្ទុនៅលើតារាង La Liga ។អត្ថបទកំពុងចាប់អារម្មណ៍៖ ខ្ញីកាន់តែចាស់ កាន់តែហិល! Lewandowski បន្តបង្ហាញភាពអស្ចរ្យរបស់ខ្លួនឲ្យ Barca (មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស កីឡាករ Robert Lewandowski បន្តភាពខ្លាំងរបស់ខ្លួនដោយអាចរកបាន ៣ពិន្ទ ខណៈ Yamal និង Ferran Torres រកបានម្នាក់មួយគ្រាប់។ ជាមួយនឹងជ័យជម្នះដ៏ធំមួយនេះ និងធ្វើឲ្យក្រុម Barca បន្តក្តីស្រមៃឈ្នះពានរង្វាន់លីគរដូវកាលនេះ ដោយបានដាក់សម្ពាធដល់ក្រុម Real Madrid ដែលកំពុងស្ថិតនៅលេខ២៕
