គ្រូបង្វឹកក្រុម Benfica លោក Bruno Lage បានលើកសរសើរកីឡាករ២រូបរបស់ក្រុមតោខៀវ Chelsea គឺPedro Neto និង Enzo Fernandez នៅមុនការប្រកួតពានរង្វាន់ FIFA Club World Cup រវាងក្រុមទាំងពីរនៅវេលាម៉ោង ៣ទាបភ្លឺឈានចូលថ្ងៃអាទិត្យទី ២៩ មិថុនា ២០២៥ស្អែកនេះសម្រាប់វគ្គ១៦ក្រុមចុងក្រោយ។Lage បានសរសើរ Pedro Neto ថាកីឡាករអន្តរជាតិព័រទុយហ្គាល់គឺជាខ្សែបម្រើស្លាបដ៏គ្រោះថ្នាក់ ខណៈសមាជិកជ័យលាភី World Cup ២០២២ របស់ក្រុមជម្រើសជាតិអាហ្សង់ទីនគឺ Enzo Fernandez ក៍ជាខ្សែបម្រើល្អបំផុតម្នាក់ក្នុងពិភពលោកនាពេលបច្ចុប្បន្ន។

អ្នកចាត់ការក្រុម Benfica បន្តថាៈក្រៅពីមានប្រាក់ Chelsea មានកីឡាករដែលខ្ញុំពិតជាស្គាល់ច្បាស់នោះគឺ Pedro Neto ។ គាត់មានគ្រោះថ្នាក់ខ្លាំងណាស់ព្រោះគាត់អាចលេងនិងបណ្តើរបាល់បានមិនថាស្លាបឆ្វេងរឺស្តាំ។ គួររំលឹកថាសម្រាប់ Enzo Fernandes វិញគឺត្រូវបានក្រុមតោខៀវ Chesea ផ្ទេរពី Benfica កាលពី២ឆ្នាំមុន ក្រោយបង្ហាញសមត្ថភាពលេចធ្លោនៅ World Cup ២០២២ ហើយដោយឡែកសម្រាប់ Neto បានចូលរួមជាមួយក្រុមតោខៀវពីក្រុម Wolves កាលពីឆ្នាំមុនផងដែរ។
ប្រភព:Dailypost
វីដេអូ:Enzo Fernandez

វីដេអូ: Pedro Neto