ខ្សែការពារស្លាបសញ្ជាតិព័រទុយហ្គាល់ដែលបច្ចុប្បន្នលេងនៅក្លឹបអារ៉ាប៊ីសាអូឌីត Al-Hilal កំពុងមានទំនាក់ទំនងដោយផ្ទាល់ជាមួយលោក Joan Laporta ប្រធានក្លឹប និងនាយកផ្នែកកីឡាលោក Deco ដោយបង្ហាញពីបំណងចង់ចូលរួមជាមួយក្លឹបយក្សកាតាឡាន់ ម្តងទៀតនៅរដូវក្តៅនេះ។ កីឡាករអន្តរជាតិព័រទុយហ្គាល់នឹងក្លាយជាសមាជិកទីបួនសម្រាប់ក្រុម Barcelona ក្រោមការដឹកនាំរបស់លោក Hansi Flick បន្ទាប់ពី Joan Garcia បានចូលរួមពី Espanyol និង Roony Bardghji ត្រៀមផ្លាស់ពី Copenhagen ព្រមទាំង Nico Williams ត្រៀមផ្លាស់ពីពីAt.Bilbao ។
សម្រាប់ Cancelo ធ្លាប់បានបង្ហាញសមត្ថភាពលេចធ្លោអំឡុងពេលខ្ចីជើងនៅ Barcelona ក្នុងរដូវកាល ២០២៣-២០២៤ ដែលធ្វើអោយរូបគេមានទំនាក់ទំនង និង មនោសញ្ចេតនាយ៉ាងជ្រាលជ្រៅជាមួយក្លឹប។ នៅក្នុងបទសម្ភាសន៍ថ្មីៗនេះអំលុងពេលព្រឹត្តិការណ៍ Club World Cup ដោយបើកចំហថា : ខ្ញុំស្រលាញ់ Barcelona និងក្រុមដែលខ្ញុំមាននៅទីនោះ ឆន្ទៈរបស់ខ្ញុំក្នុងការវិលវិញគឺច្បាស់លាស់ ហើយខ្ញុំបានទាក់ទងផ្ទាល់ទៅក្លឹប។
ប្រភព:Footboom
វីដេអូ:
