(អង់គ្លេស)៖ ក្លឹបតោខៀវ Chelsea បានបញ្ជាក់ថា Jadon Sancho នឹងត្រឡប់ទៅលេងឲ្យបិសាចក្រហម Manchester United វិញ បន្ទាប់ពីបញ្ចប់កិច្ចសន្យាខ្ចីជើង ១រដូវកាល ក្រោយលេងបាន ៤១ប្រកួត។ ទន្ទឹមនឹងនេះ Sancho ដែលមានវ័យ២៥ឆ្នាំ បានចូលលេងក្នុងលក្ខខណ្ឌខ្ចីជើងពេញ ១រដូវកាល គិតចាប់តាំងពីថ្ងៃទី៣១ ខែសីហា ឆ្នាំ២០២៤ ជាមួយតោខៀវ Chelsea នឹងលើកបានពានលីគទី៣ UEFA Conference League ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ជាមួយគ្នានេះ Sancho ជាខ្សែបម្រើស្លាបម្នាក់ បានស៊ុតបញ្ចូលទីបាន ៥គ្រាប់ នៅអំឡុងពេលលេងនៅកីឡដ្ឋាន Stamford Bridge ដោយការស៊ុតបាល់បញ្ចូលទីចុងក្រោយរបស់គេរកបាននៅវគ្គផ្តាច់ព្រ័ត្រ UEFA Conference League ដែលយកឈ្នះ Real Betis កាលពីថ្ងៃទី២៨ ខែឧសភា។

គួរបញ្ជាក់ផងដែរថា ការប្រកាសពីការចាកចេញ ក្លឹប Chelsea ក៏បានថ្លែងអំណរគុណដល់ Sancho សម្រាប់ការខិតខំប្រឹងប្រែង ហើយយើងសូមជូនពរឱ្យគាត់ទទួលបានជោគជ័យសម្រាប់អនាគត៕

ប្រភព៖ BBC