ក្រុមបាល់ទាត់ហង្សក្រហម Liverpool ត្រូវបានគេរាយការណ៍ថា បានបើកការចរចារជាមួយនឹងក្រុម Bayer Leverkusen ក្នុងការចុះកុងត្រាលើកីឡាករ jeremie Frimpong ក្នុងនាមជាអ្នកជំនួសកីឡាករ Trent Alexander-Arnold ដែលខិតជិតបញ្ចប់ការផ្ទេរទៅកាន់ក្លឹប​ Real Madrid នាពេលដ៏ខ្លីខាងមុខនេះ។

Liverpool បានមើលឃើញ Frimpong ក្នុងនាមជាអ្នកស្នងតំណែងរបស់ Arnold ដ៏សាកសមបំផុត ជាពិសេសការបង្ហាញទម្រង់លេងដ៏លេចធ្លោរបស់គេនៅរដូវកាលនេះ ដោយអាចរកបាន ៤គ្រាប់ និង Assist ១១ដង ក្នុងនាមជាខ្សែការពារស្លាប។

ទោះបីជាយ៉ាងណាមិញ Liverpool ត្រូវប្រឈមមុខនឹងក្លឹបធំៗ ដូចជា Man Utd, Chelsea និង​ Man City ដែលបានមើលឃើញទេពកោសល្យរបស់ខ្សែការពាររូបនេះផងដែរ៕