Barcelona មានបំណង់ចង់បញ្ចេញលក់កីឡាករ Ansu Fati, Ferran Torres និង Raphinha ដើម្បីពង្រឹងតំបន់ប្រយុទ្ធរបស់ពួកគេយោងគេហទំព័រ Sport បានចុះផ្សាយថាៈ ក្រុមប្រឹក្សាភិបាលក្លឹបយក្សកាតាឡាន់បានបង្ហាញការចាប់អារម្មណ៍លើកីឡាករទី១ខ្សែប្រយុទ្ធអន្តរជាតិប្រេស៊ីល Vitor Roque របស់ក្លឹប Paranaenseនៅលីកកំពូលប្រេស៊ីល និងទី២កីឡាករអន្តរជាតិបែលហ្សិក Yannick Carrasco របស់ក្លឹប At.Madrid និងទី៣គឺ អតីតខ្សែប្រយុទ្ធ Pierre-Emerick Aubameyang បច្ចុប្បន្នកំពុងលេងអោយ Chelsea។
Xavi Hernandez ក៏មានបំណងដាក់បញ្ចូលកីឡាករយុវជនវ័យ២១ឆ្នាំ Abde Ezzalzouli ដែលកំពុងលេងខ្ចីជើងនៅ Osasuna នឹងត្រលប់ទៅក្លឹប Catalan នៅចុងបញ្ចប់នៃរដូវកាលនេះ។ទន្ទឹមនឹងនេះដែរ Yannick Carrasco មានបញ្ហាជាមួយ Atletico Madrid ក៏ចង់ចាកចេញពីក្លឹបនៅចុងបញ្ចប់នៃរដូវកាលនេះ។ ព្រមជាមួយគ្នានោះដែរខ្សែប្រយុទ្ធអន្តរជាតិហ្គាបុង Aubameyang ក៏បើកចំហរឪកាសចូលរួមជាមួយក្លឹប Barcelona ដោយគ្មានតម្លៃខ្លួនដើម្បីជំនួសតំណែង Robert Lewandowski។
ប្រភព:Be Soccer
