អ្នកគាំទ្រជុំវិញពិភពលោកមានការភ្ញាក់ផ្អើលក្រោយបែកធ្លាយតម្លៃខ្លួនរបស់ខ្សែប្រយុទ្ធឆ្នើមលំដាប់ពិភពលោកគឺ Cristiano Ronaldo ដែលនឹងឈានចូលវ័យ៤០ឆ្នាំឆាប់ៗនេះ។ យើងទៅតាមរបាយការណ៍ពី Sportbible បានចុះផ្សាយថា ខ្សែប្រយុទ្ធព័រទុយហ្គាល់រូបនេះបានទាមទារដល់ទៅ ៩២០,០០០ផោនក្នុងការចូលរួមកម្មវិធីមួយៗ ដោយមានរយៈពេល៤ម៉ោងកន្លះ ដោយតម្លៃនេះបានបូករួមជាមួយនឹងការផ្តល់ជូន អាវដែលហត្ថលេខារបស់លោកចំនួន៥, ការថតរូប, និងការផុសក្នុងបណ្តាញសង្គមចំនួន២ផងដែរ។ ដែលតម្លៃនេះបើយោងគិតជាម៉ោង វាស្មើនឹង២០៤,០០០ផោនក្នុង១ម៉ោង និង ៣,៤០៧ផោនត្រឹមតែរយៈពេល១នាទី ដោយស្មើនឹង ៥៦.៧៨ផោនក្នុង១វិនាទី។ គួរបញ្ជាក់ថា Ronaldo មានចំនួនអ្នកតាមដាននៅលើបណ្តាញសង្គម Instagram ចំនួន 640 លាននាក់ និង 65លាននាក់នៅក្នុង Youtube ៕
អ្នកចាត់ការទូទៅក្លឹប Barcelona លោក Hansi Flick បានជំរុញឱ្យក្រុមប្រិក្សាភិបាលរបស់ក្លឹបចរចារផ្ទេរយកខ្សែប្រយុទ្ធរបស់ក្រុមបិសាចក្រហម Manchester United កីឡាករ Marcus Rashford មករួមក្រុមក្នុងអំឡុងពេលទីផ្សារដោះដូរកីឡាករនិងបើកដំណើរការរយៈពេល១ខែមករាពេញនេះ។គួរកត់សម្គាល់ថាខ្សែបម្រើ-ប្រយុទ្ធស្លាប Rashford បានធ្លាក់ចេញពីទំនុកចិត្តជម្រើស១១នាក់ដំបូងសម្រាប់ក្រុមបិសាចក្រហម Manchester United ក្រោមការដឹកនាំរបស់អ្នកចាត់ការ Ruben Amorim ។មានន័យថាកីឡាករជម្រើសជាតិអង់គ្លេសរូបនេះមិនបានបង្ហាញខ្លួនក្នុងការប្រកួតប្រាំពីរលើកចុងក្រោយរបស់ Man Utd នៅគ្រប់ក្របខណ្ឌប្រកួតទាំងអស់។អត្ថបទកំពុងចាប់អារម្មណ៍៖ Liverpool ត្រៀមលក់ខ្សែប្រយុទ្ធចេញក្រោយពីក្លឹបនៅ Saudi Pro League ចាប់អារម្មណ៍(មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស បុរសសញ្ជាតិអាឡឺម៉ង់លោកFlick ចង់ចុះហត្ថលេខា Rashford ដោយមានជំនាញអាចលេងទាំងខ្សែបម្រើស្លាប និងខ្សែប្រយុទ្ធ។ទោះយ៉ាងណាក្រុមអ្នកមានបុណ្យអាចប្រឈមនិងការប្រែងចង់បានពីសំណាក់ AC Milan, Borussia Dortmund និង Napoli ខណៈRashford កន្លងមកមិនធ្លាប់លេងនៅលីកបរទេសទេខណៈសាម៉ីខ្លួនបានបង្ហាញពីបំណងប្រាថ្នាចង់ចូលរួមលេងការប្រកួតប្រជែងថ្មីមួយនៅក្នុងអាជីពរបស់គាត់ផងដែរ។ ប្រភព:Dailypost វីដេអូ
