អ្នកចាត់ការទូទៅក្រុមកាំភ្លើងធំ Arsenal លោក Mikel Arteta បាននិយាយថាគាត់មានការព្រួយបារម្ភយ៉ាងខ្លាំងចំពោះ ខ្សែបម្រើប្រយុទ្ធស្លាប Bukayo Saka បន្ទាប់ពីកីឡាករអន្តរជាតិអង់គ្លេសរូបនេះបានរងរបួសពេលផ្តួលម្ចាស់ផ្ទះ Crystal Palace កាលពីថ្ងៃសៅរ៍ដោយលទ្ធផល ៥ទល់និង១។Saka បានរងរបួសសរសៃពួរជាលើកទី៣ហើយ ហើយត្រូវបានប្ដូរចេញនៅនាទីទី ២៤សម្រាប់ការប្រកួតនៅសប្តាហ៍ទី១៧ នេះខណៈកីឡាករវ័យ២៣ឆ្នាំបានប្រើឈើច្រត់ពេលគាត់ចាកចេញពី Selhurst Park ។ ថ្លែងជុំវិញបញ្ហានេះអ្នកចាត់ការសញ្ជាតិអេស្បាញលោក Arteta បាននិយាយថា : ខ្ញុំព្រួយបារម្ភណាស់អំពីរឿងនោះ។ខ្ញុំមិនដឹងសោះថាគាត់និងត្រូវអវត្តមានច្រើនថ្ងៃរឺយ៉ាងណា។ វាពិបាកណាស់ក្នុងការពណ៌នាថាវាអាក្រក់ប៉ុណ្ណា។ លោក Arteta បានបន្ថែមថា ខ្សែបម្រើស្លាបមិត្តរួមក្រុម Raheem Sterling ក៏មានបញ្ហារបួសផងដែរ ដែលធ្វើឲ្យគាត់អវត្តមានសម្រាប់ការប្រកួតថ្ងៃសៅ ការបាត់បង់កីឡាករពីរនាក់ក្នុងរយៈពេល ២៤ ម៉ោងគឺមិនល្អទេ។ ជាអកុសល ជាមួយនឹងចំនួនហ្គេមដែលយើងកំពុងលេង នឹងកាលវិភាគបន្ទាប់ វាមិនធ្វើឱ្យខ្ញុំភ្ញាក់ផ្អើលនោះទេ។ ប៉ុន្តែក្រុមនឹងប្រតិកម្មចំពោះរឿងនោះ។
Saka បានអវត្តមានតែពីរប្រកួតប៉ុណ្ណោះសម្រាប់ក្រុម Arsenal ក្នុងរដូវកាលនេះ បន្ទាប់ពីគាត់បានរងរបួសសរសៃពួរពេលលេងឱ្យក្រុមអង់គ្លេសកាលពីខែតុលា និង រងរបួសពេលប្រកួតជាមួយ Chelsea កាលពីខែវិច្ឆិកា មុនពេលវិលត្រលប់មកបង្ហាញខ្លួនជាមួយក្រុមកាំភ្លើងArsenal ពេលជួបNottingham Forest នៅថ្ងៃទី ២៣ ខែវិច្ឆិកា។បច្ចុប្បន្ន Arsenal ឈរនៅចំណាត់ថ្នាក់លេខរៀងទី៣មានគម្លាតត្រឹមតែ៣ពិន្ទុពីក្រុម Liverpool ដែលនៅសល់២ប្រកួតក្នុងដៃ ខណៈក្រុមលោក Arne Alot ត្រៀមជួប Tottenham នៅរាត្រីនេះ។
ប្រភព:BBC
វីដេអូ:
ជាថ្មីម្តងទៀតគ្រូបង្វឹកលោក Ruben Amorim បានដកឈ្មោះខ្សែបម្រើ-ប្រយុទ្ធស្លាប Marcus Rashford ចេញពីក្រុម Manchester United នៅពេលដែលពួកគេបើកទ្វារកីឡដ្ឋាន Old Trafford ទទួលក្រុមភ្ញៀវ Bournemouth នៅវេលាម៉ោង ៩យប់នេះខណៈអនាគតរបស់កីឡាករក្រុមជម្រើសជាតិអង់គ្លេសស្ថិតក្នុងភាពស្រពិចស្រពិលខ្លាំងមែនទែនហើយ។អត្ថបទកំពុងចាប់អារម្មណ៍៖ ទៅរួចទេ?តាប៉េបចង់ខ្ចីជើងកំពូលខ្សែប្រយុទ្ធ GOAT រូបនេះមកដោះស្រាយភាពទាល់ច្រក(មាន២វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ខ្សែប្រយុទ្ធវ័យ២៧ឆ្នាំក៏ មិនមានវត្តមានចូលរួមព្រឹត្តការណ៍ Euro ២០២៤សម្រាប់ក្រុមជម្រើសជាតិអង់គ្លេសផងដែរនោះ បាននិយាយអំពីបំណងប្រាថ្នារបស់គាត់ក្នុងការចាកចេញពីក្លឹប ដើម្បីស្វែងរកការប្រកួតប្រជែងថ្មីខណៈអនាគតរបស់គាត់ជាមួយអ្នកចាត់ការសញ្ជាតិព័រទុយហ្គាល់ហាក់ដូចជាឈានដល់ទៅបញ្ចប់ទៅហើយនោះ។ មានន័យថ Rashford មិនបានចូលលេងកំលុងពេលផ្តួល Manchester City និងពេលបរាជ័យចាញ់ Spurs ខណៈបច្ចុប្បន្នការវិលត្រលប់មកបង្ហាញខ្លួនសម្រាប់ជម្រើស១១នាក់ដំបូងរបស់អតីតយុវជនថ្នាលក្លឹប ហាក់បីដូចជារសាត់អណ្តែតឆ្ងាយទៅហើយ។ ផ្ទុយទៅវិញ Amorim បានជ្រើសរើសកីឡាករជួរមុខទាំងបីមាន Amad Diallo, Joshua Zirkzee និង Bruno Fernandes ជំនួស Rashford ខណៈ Alejandro Garnacho, […]
